स्नातक तह २०८२/०८३ शैक्षिक सत्रको तालिका सार्वजनिक, कक्षा कात्तिकदेखि सुरु हुने

काठमाडौं, साउन २२ – त्रिभुवन विश्वविद्यालयअन्तर्गत स्नातक तहको शैक्षिक सत्र २०८२/०८३ का लागि पहिलो वर्षको शैक्षिक तालिका सार्वजनिक गरिएको छ। विश्वविद्यालयका सम्बन्धित डीन कार्यालयले जारी गरेको तालिकाअनुसार नयाँ शैक्षिक सत्रको भर्ना प्रक्रिया साउनको चौथो हप्तादेखि सुरु भई असोज मसान्तसम्म सञ्चालन हुनेछ।

तालिकाअनुसार कक्षा संचालन कात्तिक महिनाको दोस्रो हप्ताबाट प्रारम्भ हुनेछ भने २०८३ सालको बैशाख महिनामा परीक्षा फारम खुला गरिनेछ। त्यसपछिको असार महिनाको चौथो हप्तामा परीक्षा सञ्चालन गरिने उल्लेख गरिएको छ।

परीक्षा सम्पन्न भएपछि नतिजा २०८३ सालको असोज महिनामा प्रकाशित गरिनेछ।

सारांशमा तालिका यस्तो छ:

भर्ना अवधि: २०८२ साउन चौथो हप्ता – असोज मसान्त

कक्षा संचालन: २०८२ कात्तिक दोस्रो हप्ता

परीक्षा फारम भर्ने मिति: २०८३ बैशाख

परीक्षा सञ्चालन: २०८३ असार चौथो हप्ता

नतिजा प्रकाशन: २०८३ असोज

अन्य विस्तृत कार्यतालिका सम्बन्धित संकाय/संस्थानका डीन कार्यालयले समयानुसार प्रकाशन गर्नेछन्।