एमालेको कान्छो जनसंगठन रिटर्नी फेडेरेशनले शुरु गर्यो सांगठनिक गतिबिधि

काठमाण्डौ – २०७८ माघ १९,
नेकपा (एमाले)को कान्छो जनसंगठनको रुपमा स्थापना भएको रिटर्नी फेडेरेसन नेपालले आफ्नो सांगठनिक गतिबिधि अघि बढाएको छ ।

पौष १६ मा एमाले अध्यक्ष केपी शर्मा ओलीको प्रमुख आतिथ्यतामा चौपचारिक रुपमा घोषणा भएको रिटर्नी फेडेरेसन एमालेको तेइसौं जनसंगठनको रुपमा रहने फेडेरेशनका अध्यक्ष चन्द्र बहादुर रोकाहाले बताइएका छन्   । माघ १७ गतेका दिन फेडेरेसनका पदाधिकारीहरुले थापाथलीस्थित नेकपा एमालेको पार्टी केन्द्रीय कार्यालयमा जनसंगठनको मान्यता प्रदानका लागि फेडेरेसनका दस्तावेजहरु औपचारिक रुपमा दर्ता गराई संगठनले वैधानिकता पाप्त गरेको थियो । पार्टी अध्यक्ष स्वयंले घोषणा गरेकाले राजनीतिक रुपमा यस अघि नै फेडेरेसनले जनसंगठनको हैसियत प्राप्त गरिसकेको फेडेरेसनलाई नजिकबाट नियालेका एमाले नेताहरुले बताएका छन् ।
एमाले केन्द्रिय कमिटी सदस्य तथा बिद्यार्थी इन्चार्ज माधव ढुंगेलको अगुवाईमा फेडेरेसनका अध्यक्ष चन्द्र बहादुर रोकाहा सहितको पदाधिकारी टोलीले सोमबार पार्टी महासचिव इश्वर पोखरेल, संगठन बिभाग प्रमुख खगराज अधिकारी, जनसंगठन प्रमुख भानुभक्त ढकाल, कार्यालय सचिव भिष्म अधिकारी लगायत नेताहरुसंग प्रत्यक्ष भेट गरि फेडेरेसन घोषणा पश्चातका गतिबिधि र भावी कार्ययोजनाका बारेमा छलफल गरेका थिए ।
एमाले केन्द्रिय सदस्य माधब ढुंगेलको अभिभावकत्वमा देशैभर बैदेशिक रोजगारबाट फर्केका एमाले कार्यकर्ताहरु संगठित हुँदै एकीकृत रुपमा परिचालनका लागि तयार भएकोले बैदेशिक रोजगारीका क्रममा एमालेका बिभिन्न प्रवास संगठनहरुमा आवद्ध भर्इ पार्टीका लागि योगदान गरी स्वदेश फर्केकाहरुलाई राजनीतिक योगदानको निरन्तरताका निम्ति गोलबन्द गर्दै पार्टी जिम्मेवारी प्रदान गरि एकीकृत रुपमा परिचालन गर्न फेडेरेसनले बिशेष भूमिका निर्वाह गर्ने फेडेरेसन ताइएको छ ।
प्रवक्ता जेपी सापकोटाले सोमबार साँझ एक बिज्ञप्ति जारी गर्दै फेडेरेसनका गतिबिधि, उद्देश्य, तथा कार्यक्रमबारे जानकारी गराएका छन् । बिज्ञप्तिमा भनिएको छ स् “लामो समयदेखि स्वदेश फिर्ति कामदारहरुको पक्षमा सरोकारवाला विभिन्न संघ–संस्थाका प्रयासहरु भएपनि कानुनी संरचनाको निर्माण र विकासमा राजनैतिक इच्छाशक्ति महत्वपूर्ण हुने कुरालाई अङ्गीकार गर्दै देशको सशक्त पार्टी नेकपा ९एमाले० को राजनैतिक मार्गदर्शमा सञ्चालन हुने गरी रिटर्नी फेडेरेसन नेपालले आफ्ना गतिविधिहरु अगाडि बढाउने छ” ।