एसईईको नतिजा असार दोस्रो हप्ताभित्र सार्वजनिक गर्ने बाेर्डकाे तयारी

राष्ट्रिय परीक्षा बोर्डले माध्यमिक शिक्षा परीक्षा (एसईई) को नतिजा असार दोस्रो हप्ताभित्र सार्वजनिक गर्ने तयारी गरेको छ।

परीक्षा नियन्त्रण कार्यालय (कक्षा १०) ले हाल विद्यार्थीको उत्तरपुस्तिका परीक्षण तथा संपरीक्षणको काम सकेर इन्ट्री तथा टेबुलेसनको काम गरिरहेको जनाएको हाे।

परीक्षा नियन्त्रक नन्दलाल पौडेलले असार दोस्रो हप्ताभित्र नतिजा सार्वजनिक गर्नेगरी बाेर्डले तयारी गरेकाे बताए।

बोर्डले एसईई परीक्षा माध्यमिक शिक्षा पाठ्यक्रम २०७८ अनुसार सञ्चालन गरेको थियो। जसमा एकसय पूर्णाङ्क भएको विषय उत्तीर्ण गर्न सैद्धान्तिकतर्फ ३५ अंक ल्याउनुपर्ने हुन्छ।

२०८० चैत १५ गतेदेखि २७ गतेसम्म सञ्चालन भएको एसईई परीक्षामा ५ लाख बढी परीक्षार्थी सहभागी भएका थिए।