कांग्रेसका कारण गठबन्धन टुट्यो, राप्रपा प्रतिगमनकारी : माओवादी केन्द्र

नेकपा (माओवादी केन्द्र) ले गठबन्धन टुट्नुका विभिन्न कारण देखाउँदै नेपाली कांग्रेससँगको सहकार्य तोडेको छ ।
माओवादी केन्द्रका अनुसार अर्थ मन्त्री डा. प्रकाशशरण महतले प्रधानमन्त्रीलाई अपेक्षा गरे अनुसारको सहयोग गरेका थिएनन् ।

यसैगरी, राष्ट्रिय सभा निर्वाचनमा कोशी प्रदेशमा माओवादी केन्द्रको उम्मेदवारलाई हराउनु पनि गठबन्धन तोड्न बाध्य बनाउने अर्को कारण बनेको माओवादीको ठहर छ ।

काँग्रेस महासमिति बैठकमा जनयुद्धलाई गलत ढङ्गले टिप्पणी गरिएको र बहुखंख्यकक ांग्रेसका महासमिति सदस्यले हिन्दू राष्ट्रको पक्षमा वकालत गर्नुले पनि कांग्रेस–माओवादी गठबन्धन टुट्न सहयोग पुगेको माओवादीले ठहर गरेको छ । सोमवार बसेको माओवादी केन्द्रको पदाधिकारी बैठकले सो ठहर गरेको हो ।

माओवादी केन्द्रका सचिव देवेन्द्र पौडेलका अनुसार अर्थ मन्त्री डा. प्रकाशशरण महतले प्रधानमन्त्रीलाई अपेक्षा गरे अनुरूप सहयोग नगरेका कारण माओवादीले गठबन्धन फेर्ने निर्णय गरेको हो । त्यस्तै राष्ट्रिय सभा निर्वाचनमा कोशी प्रदेशमा माओवादी केन्द्रको उम्मेदवारलाई हराउनु, काँग्रेस महासमिति बैठकमा जनयुद्धलाई गलत ढङ्गले टिप्पणी गर्नु र हिन्दु राष्ट्रको पक्षमा वकालत गर्नुले पनि काँग्रेस–माओवादी गठबन्धन टुट्न सहयोग पुगेको उनको भनाई रहेको छ ।

यसैगरी माओवादीले नयाँ सत्ता गठबन्धनमा राष्ट्रिय प्रजातन्त्र पार्टीलाई नसमेट्ने भएको छ । गठबन्धनमा राप्रपालाई ल्याउनु प्रतिगमनकारी हुने भएकाले राप्रपालाई गठबन्धनमा नसमेट्ने उनले जानकारी दिए ।