उपत्यका

काठमाडौं । मंगलबार देशभर उत्पन्न तनावपूर्ण परिस्थितिलाई हल गर्न नेपाली सेनाले जोड दिएको छ । समस्या समाधानका लागि सबै सुरक्षा संयन्त्रका प्रमुखसहित भएको छलफलबाट संवादको माध्यमबाटै समाधान निकाल्नुपर्नेगरी सुझाव राष्ट्रपति रामचन्द्र पौडेललाई दिइएको छ । संवादको लागि राष्ट्रपति कार्यालयले आह्वान गरिसकेको छ । राष्ट्रपति रामचन्द्र पौडेलले जेनजी प्रदर्शनकारीलाई वार्ताका लागि आह्वान गरिसकेका छन् भने नेपाली […]

नेपाली सेनासहित सुरक्षा निकायहरू र मुख्य सचिव तथा गृहसचिवले राजनीतिक संवादबाट अहिलेको परिस्थितिको शान्तिपूर्ण समाधान खोज्न अपिल गरेका छन् । अहिले तीनवटै निकाय जेन–जीले कब्जामा लिएका छन् । उनीहरूले संघीय संसद भवन र सिंहदरबार, पार्टी कार्यालयहरू र नेताका घरमा आगजनी समेत गरेका छन् । प्रधानमन्त्री केपी शर्मा ओलीले पदबाट राजीनामा दिएर राष्ट्रपतिले स्वीकृतसमेत गरिसकेका छन् […]

काठमाडौँ । जेनजी आन्दोलनकारीले राष्ट्रपति भवन शीतल निवासमा आगजनी गरेका छन् । सुरक्षा स्रोतले केहीबेरअघि राष्ट्रपति भवनमा आगजनी भएको जानकारी दियो। यसबारे थप विवरण आउन बाँकी छ।

काठमाडौं । प्रदर्शनकारीहरूले रामशाह पथमा रहेको पुरातत्व विभागको संरक्षण गरेका छन् । आक्रोशित प्रदर्शनकारीहरूले संसद् भवन, सिंहदरबार, सर्वोच्च लगायतका राज्यका उच्च निकायमा आगजनी गरे पनि पुरातत्व विभागको भने संरक्षण गरेका छन् । ‘यो हाम्रो इतिहास हो, इतिहासको संरक्षण गरौं’ भन्ने प्लेकार्ड बोकेर पुरातत्व विभाग परिसरमा उभिएर उनीहरूले संरक्षणका लागि आह्वान गरेका छन् ।

काठमाडौँ । काठमाडौँ महानगर पालिका मेयर वालेन शाहले नया स्टाट्स सार्वजनिक गर्दै संसद विघटन र नयाँ जेन जी पुस्ताबाट नेतृत्व लिनका लागि तयार हुन आवहान गरेका छन् ।

जेनजी नेतृत्वले आन्दोलनरत युवाहरुलाई प्रधानमन्त्री केपी शर्मा ओलीले राजीनामा दिइसकेकाले सार्वजनिक सम्पति तोडफोड नगर्न आग्रह गरेको छ । सार्वजनिक सम्पति ताेडफाेड नगर्न  र नेतालाई नछोड्न उनीहरुले माइकिङ गर्दै आग्रह गरेका हुन् । तर पनि प्रदर्शनकारीले तोडफोड गर्न छोडेका छैनन् ।

काठमाडौं । प्रदर्शनकारीले नयाँ बानेश्वरस्थित संघीय संसद भवन प्रवेश गरेका छन् । बिहानैदेखि सो क्षेत्रमा प्रदर्शन गरिरहेका प्रदर्शनकारी संसद भवन प्रवेश गरेका हुन् । साथै उनीहरुले त्यहाँ तोडफोड समेत गरेका छन् ।