समाजवादी र मओवादीका काठमाडौंका प्रभावशाली नेतासहित सयौं जना काङ्ग्रेस प्रवेश

असाेज १५, काठमाडौं । समाजवादीका केन्द्रीय सदस्य र माओवादिका प्रभावशाली नेतासहित सयाैँजना काङ्ग्रेसमा प्रवेश गरेकाे छन् ।

शनिबार कपनकाे कार्की इभेन्टसमा नेपाली काङ्ग्रेस काठमाडौं क्षेत्र नम्बर ४ “ख” काे आयाेजनामा भएकाे शुभकामना आदानप्रदान तथा पार्टी प्रवेश कार्यक्रममा एकीकृत समाजवादीका केन्द्रीय सदस्य र माओवादीका भातृ संगठन मगर संघका केन्द्रीय समितिकाे नेताहरू नेपाली काङ्ग्रेस पार्टीमा प्रवेश गरेका छन् ।

उनिहरूलाई पार्टीमा स्वागत गर्दै नेपाली काङ्ग्रेसका केन्द्रीय महामन्त्री गगन कुमार थापाले चुनावकाे समयमा यसरी सयाैँकाे संख्यामा पार्टि प्रवेश गरेकाेमा अत्यन्तै खुसि भएकाे र यसले चुनावमा जान थप उर्जा मिलेकाे बताएका थिए । साथै उनले पार्टि प्रवेश गर्ने नेताहरू र अन्य व्यक्तिहरूलाई उचित किसिमकाे पार्टिकाे जिम्मेवारी पनि प्रदान गर्ने पनि विश्वास व्यक्त गरेका थिए ।

विगत केही समयदेखि काठमाडौं उपत्यका क्षेत्र नम्बर ४ “ख” मा गगन कुमार थापाकाे मुख्य उपस्थितिमा भईरहेकाे दशैं तिहार विशेष शुभकामना कार्यक्रमहरूमा निरन्तर रूपमा पार्टि प्रवेश गर्ने व्यक्तिहरू बृद्वि भईरहेकाे र त्यसका लागि इकाई समितिहरूले निरन्तर प्रयास गरिरहेको काठमाडौं क्षेत्र नम्बर ४ “ख” का सचिव मनाेज सिग्देलले जानकारी दिए । उनले भने आज पनि हाम्रो एक हप्तादेखिकाे प्रसायमा दुई पार्टिका प्रभावशालि केन्द्रीय नेताहरू सहित सयौंकाे संख्यामा नेपाली काङ्ग्रेसमा पार्टि प्रवेश गराउन सफल भएको बताए ।

नेपाली काङ्ग्रेसका केन्द्रीय महामन्त्री गगन कुमार थापाकाे निर्वाचन क्षेत्रमा चुनावी माहाेल ताति रहेकाे छ। गगन थापाकालाई टक्कर दिन नेकपा एमालेका स्थायी कमिटि सदस्य एवम् विदेश विभाग प्रमुख राजन भट्टराईले पनि आफ्नो चुनावी अभियानलाई निरन्तर दिई रहेका छन् भने चुनावी भाषणहरूमा एकले अर्काेलाई आराेप प्रत्याराेप पनि लगाउन थालेका छन् ।

पछिल्लो समयमा भने बुढानिलकण्ठमा स्वतन्त्रबाट मेयरमा उम्मेदवारी दिएर सम्मानजनक मत पाएका युवा नेता सुमित खरेल पनि गगन कुमार थापालाई जिताउन र प्रधानमन्त्री बनाउनु पर्छ काङ्ग्रेस पार्टी प्रवेश गरेरै चुनावी अभियानमा हाेमिएका छन् ।