गोकर्णेश्वर नगरपालिका कार्यालय मातहतका सबै वडा कार्यालयहरु आइतबार पनि खुल्ने

जेठ २०, काठमाडौं । गोकर्णेश्वर नगरपालिका कार्यालय र मातहत वडा कार्यालयहरु र स्वस्थ संस्थाहरु आइतबार समेत संचालन हुने सम्बन्धी सार्वजनिक  सूचना  जारी गरेको छ । प्रमुख प्रशासकीय अधिकृत बैकुण्ठ प्रसाद सापकोटाले जारी  गरेको उक्त सुचनामा  नेपाल सरकारको निर्णय मिति २०७९ साल जेठ १ गते  देखि लागु हुने गरि हप्ताको २ दिन शनिबार र आइतबार सार्वजनिक बिदा दिने निर्णय बमोजिम गोकर्णेश्वर नगर कार्यपालिकाको कार्यालय, मातहत वडा कार्यालयहरु र स्वास्थ्य संस्थाहरु समेत हप्ताको  २  दिन शनिबार र आइतबार सार्वजनिक बिदा दिने गरिएकोमा

चालु आर्थिक वर्ष २०७८/ ०७९ को अवधि  थोरै रहेको र सो अवधिमा यस नगरपालिकाको चालु आ.व को बाँकी रहेका योजना कार्यक्रम कार्यान्वयन गरि यथा समयमा नै सम्पन्न गर्न आगामी आ व को राजश्व परामर्श ,नीति बजेट तथा बार्षिक कार्यक्रम तयारी लगायतको काम गर्न र सेवा प्रवाहलाइ समेत छिटो छरितो र प्रभावकारी  बनाउनका लागि कार्यालय हप्तामा २ दिन शनिबार र आइतबार सार्वजनिक बिदा दिने कार्यलाई निरन्तरता दिदा कार्यालयको सेवा प्रवाहमा बाधा हुने भएको हुँदा  कार्यालयको मिति २०७९ साल जेठ १६ गतेको निर्णयानुसार गोकर्णेश्वर नगर कार्यपालिकाको कार्यालय, मातहत वडा कार्यालयहरु र मातहत स्वास्थ्य संस्थाहरु मिति २०७९ साल जेठ २२ गते देखि लागु हुने गरि आइतबारको दिन समेत संचालान हुने सम्बन्धित सबैलाई सार्वजनिक सुचना मार्फत जानकारी गराइएको उल्लेख छ ।