विद्यालय शिक्षा सुधारका लागि फिनल्यान्डसँग सहकार्य गर्ने शिक्षामन्त्रीको प्रस्ताव

काठमाडौँ, १७ वैशाख । सरकारले विद्यालय शिक्षा सुधारका लागि फिनल्यान्ड सरकारसँग सहकार्य गर्न चासो देखाएको छ । माननीय शिक्षा, विज्ञान तथा प्रविधि मन्त्री सस्मित पोखरेलसँग नेपालका लागि फिनल्यान्डका महामहिम राजदूत पेट्री पुहाक्काले आज मन्त्रालयमा गर्नुभएको शिष्टाचार भेटवार्ताको क्रममा मन्त्री पोखरेलले फिनल्यान्डसँग शिक्षा क्षेत्रमा सहकार्य गर्ने प्रस्ताव राख्नुभएको हो । फिनल्यान्डको शिक्षा विश्वकै उच्च गुणस्तरको मानिन्छ ।
उक्त भेटमा शिक्षामन्त्री पोखरेलले नेपाल र फिनल्यान्ड बीच सदैव सुखद र असल सम्बन्ध भएको उल्लेख गर्दै नेपालको विकासमा फिनल्यान्ड सरकारले गर्दै आएको सहयोगको लागि धन्यवाद दिनुभयो ।
मन्त्री पोखरेलले सरकारको प्राथमिकता र आगामी कार्यक्रमबारे जानकारी गराउदैँ फिनल्यान्ड सरकारकोतर्फबाट शिक्षा क्षेत्रमा गरिआएको सहयोगको सराहना गर्नुहुदै आगामी दिनमा पनि नेपालको शिक्षालगायत क्षेत्रमा फिनल्यान्डको निरन्तर सहयोगको अपेक्षा गर्नुभयो ।
शिक्षामन्त्री र राजदूत बीच द्विपक्षीय सम्बन्ध, विकास सहायता परिचालन, शिक्षा क्षेत्रमा फराकिलो साझेदारिता अभिवृद्धिलगायत विषयमा छलफल भएको छ ।
उक्त भेटमा महामहिम राजदूत पुहाक्काले नेपालको शिक्षा क्षेत्रमा फिनल्यान्ड सरकारले गरेको सहयोगलाई आगामी पाँच वर्षसम्म निरन्तर रहने प्रतिबद्धता जनाउनुभयो । फिनल्यान्डको सहयोगमा हाल विद्यालय शिक्षा क्षेत्र कार्यक्रम र ‘टिचर्स एजुकेशन’ परियोजना सञ्चालित छन् ।
नेपाल सरकारले अटिजम विद्यालय स्थापना गर्ने नीति लिएको सन्दर्भमा महामहिम राजदूत पुहाक्काले अटिजम र ‘इन्क्लुसिभ एजुकेशन’मा फिनल्यान्डको विज्ञता रहेकाले आफूहरु पनि यि शैक्षिक कार्यक्रममा सहयोग तथा सहकार्य गर्न इच्छुक रहेको बताउनुभयो ।
राजदूत पुहाक्काले वर्तमान सरकारको प्राथमिकतामा रहेको ‘डिजिटल ट्रान्सफरमेसन’ को एजेण्डामा फिनल्यान्ड सरकारको विज्ञताको हिसाबले सो क्षेत्रमा पनि सझेदारिता गर्ने इच्छा व्यक्त गर्नुभयो ।सरकारले विद्यालय शिक्षा सुधारका लागि फिनल्यान्ड सरकारसँग सहकार्य गर्न चासो देखाएको छ।
माननीय शिक्षा, विज्ञान तथा प्रविधि मन्त्री सस्मित पोखरेलसँग नेपालका लागि फिनल्यान्डका महामहिम राजदूत पेट्री पुहाक्काले आज मन्त्रालयमा शिष्टाचार भेटवार्ता गर्नुभएको हो। सो क्रममा मन्त्री पोखरेलले शिक्षा क्षेत्रमा सहकार्यको प्रस्ताव राख्नुभयो।
फिनल्यान्डको शिक्षा प्रणाली विश्वकै उत्कृष्टमध्ये एक मानिन्छ।
भेटमा मन्त्री पोखरेलले नेपाल र फिनल्यान्डबीचको सम्बन्ध सधैं सकारात्मक र मैत्रीपूर्ण रहेको उल्लेख गर्दै नेपालको विकासमा फिनल्यान्डले गरेको सहयोगप्रति धन्यवाद व्यक्त गर्नुभयो।
उहाँले सरकारका प्राथमिकता र आगामी योजनाबारे जानकारी गराउँदै शिक्षा क्षेत्रमा भइरहेको सहयोगको प्रशंसा गर्नुभयो र आगामी दिनमा समेत निरन्तर सहयोगको अपेक्षा गर्नुभयो।
दुवै पक्षबीच द्विपक्षीय सम्बन्ध, विकास सहायता, तथा शिक्षा क्षेत्रमा सहकार्य विस्तार गर्ने विषयमा छलफल भएको थियो।
महामहिम राजदूत पुहाक्काले फिनल्यान्डको सहयोग आगामी पाँच वर्षसम्म निरन्तर रहने प्रतिबद्धता जनाउनुभयो।
हाल फिनल्यान्डको सहयोगमा विद्यालय शिक्षा क्षेत्र कार्यक्रम तथा ‘टिचर्स एजुकेशन’ परियोजना सञ्चालनमा छन्।
नेपाल सरकारले अटिजम विद्यालय स्थापना गर्ने नीति लिएको सन्दर्भमा राजदूत पुहाक्काले अटिजम तथा समावेशी शिक्षामा फिनल्यान्डको अनुभव रहेको बताउँदै सहकार्य गर्न इच्छुक रहेको जानकारी दिनुभयो।
यसैगरी, सरकारको ‘डिजिटल ट्रान्सफरमेसन’ एजेन्डामा पनि फिनल्यान्डले साझेदारी गर्न चाहेको उहाँले उल्लेख गर्नुभयो।