शिक्षा विधेयक संशोधनका लागि एमाले महासचिवसँग निजी शैक्षिक संस्थाहरूकाे भेट 

काठमाडौं, भदौ १४ । शिक्षा ऐन २०८० मा समावेश गरिएका पूर्ण छात्रवृत्ति र गैरनाफामूलक भन्ने संवेदनशील प्रावधानप्रति ध्यानाकर्षण गराउन प्रमुख निजी शैक्षिक संघ–संस्थाहरूको संयुक्त प्रतिनिधि मण्डलले नेकपा (एमाले) का महासचिव शंकर पोखरेलसँग भेटवार्ता गरेको छ।

ललितपुरको व्यासलस्थित नेकपा (एमाले) केन्द्रीय कार्यालयमा सम्पन्न उक्त भेटमा हिसान (HISSAN) का अध्यक्ष युवराज शर्मा, प्याब्सन (PABSON) का अध्यक्ष कृष्ण अधिकारी, डॉ. डिके डुङ्गाना, एनप्याब्सन (NPABSON) का अध्यक्ष सुवास न्यौपाने तथा प्राइमेट कलेज एशोसिएसनका अध्यक्ष डा. दीपेन्द्र मण्डारी सहभागी थिए।

भेटमा प्रतिनिधि मण्डलले शिक्षा ऐनमा उल्लेखित पूर्ण छात्रवृत्ति प्रावधान र गैरनाफामूलक धाराले निजी शिक्षा क्षेत्रमा पार्ने सम्भावित प्रभावका विषयमा महासचिव पोखरेललाई जानकारी गराउँदै सकारात्मक समाधानका लागि पहल गर्न अनुरोध गरेको थियो।

यस अवसरमा महासचिव पोखरेलले निजी शिक्षा क्षेत्रका माग र सरोकारलाई गम्भीरतापूर्वक लिने प्रतिवद्धता व्यक्त गर्दै शिक्षा ऐन कार्यान्वयनमा व्यवहारिक पक्षलाई समेत समेटिने जानकारी गराएका थिए।