शैक्षिक सुधारकाे माग गर्दै परिषद्ले बुझायो ७७ वटै जिल्लाबाट प्रधानमन्त्रीलाई ज्ञापन पत्र

माघ २८, काठमाडौँ । प्राज्ञिक विद्यार्थी परिषद् नेपालले नेपालकाे समग्र शिक्षा सुधारका लागि देशकाे ७७ वटै जिल्लाका प्रमुख जिल्ला अधिकारी मार्फत प्रधानमन्त्री समक्ष ज्ञापन पत्र बुझाएको छ ।

आइतबार विद्यार्थी परिषद्का कार्यकर्ताहरूले प्रत्यक जिल्लाका देशभरका प्रमुख जिल्ला अधिकारी र जिल्ला शिक्षा अधिकारीलाई भेटगरी विद्यार्थी परिषद्ले तयार पारेकाे ३० बुँदे शैक्षिक सुझाब एवम् माग पत्रलाई बुझाएको परिषद्का राष्ट्रिय महासचिव विष्णुप्रसाद पंगेनीले जनाएका छन् ।

विद्यार्थी परिषद्ले माघ महिनाभर सञ्चालन गरिरहेकाे राष्ट्रव्यापी शैक्षिक सुधार अभियान अन्तर्गत आज देशभरका जिल्ला प्रशासन कार्यालयहरूबाट शैक्षिक सुझाव बुझाएको परिषद्ले जनाएको छ । परिषद्ले विभिन्न चरणमा आफ्नो अभियान सञ्चालन गर्दै आइरहेको छ । विगतमा विभिन्न शहरहरूमा बृहत् विद्यार्थी दबाब यात्रा निकालेकाे थियोे ।

फाेटाे फिचर