मःममा साङ्ला भेटिएपछि फो ९९ रेष्टुरेन्टमा महानगरले लगायो ताला

महानगरपालिका–३ स्थित लाजिम्पाटमा रहेको फो ९९ रेष्टुरेन्टमा महानगरपालिकाले ताला लगाएको छ ।

सो रेष्टुरेन्टमा मःम खान गएका एक जना ग्राहकले मःममा साङ्ला भेटिएको उजुरी महानगरमा गरेका थिए । सोही उजुरीका आधारमा महानगरको टोली अनुगमनका लागि बिहीबार रेष्टुरेन्ट पुगेर अनुगमन गरेको थियो ।

महानगर प्रहरी प्रमुख राजु पाण्डे, स्वास्थ्य विभागका कर्मचारी सहितको टोली अनुगमनको क्रममा भान्छा, खाद्य पदार्थ हेरेको थियो ।

महानगरपालिकामा पछिल्लो समय रेष्टुरेन्ट, क्याफेहरुको विरुद्धमा उजुरी बढिरहेको छ भने महानगरले तत्काल कारबाही गर्ने नीति लिएको छ ।