काठमाडौंमा प्याब्सक ‘फुटसल कप २०२२’ हुने, ३२ टिमले सहभागिता जनाउँदै

निजी तथा आवासिय विद्यालय संगठन काठमाडौँ (प्याब्सक)को आयोजनामा अन्तर विद्यालय ‘फुटसल कप–२०२२’ हुने भएको छ ।

भाटभटेनी फुटसलमा हुने भएको उक्त फुटसलमा काठमाडौँ भित्रका विद्यालयबाट ३२ वटा टिम सहभागी हुने पत्रकार सम्मेलनमार्फ कार्यक्रम संयोजक राजु पुडासैनीले जानकारी दिएका  छन् । पत्रकार सम्मेलनमा  मंसिर २० र २१ गते हुने ब्वाईज फुटसल प्रतियोगितामा प्रथम, द्वितिय र तृतिय हुने टिमलाई नगद सहित मेडल र प्रमाणपत्र प्रदान गरिनुका  साथै वेस्ट प्लेअर, म्यान अफ दि म्याच लगायतका पुरस्कार वितरण गरिनेछ ।   प्रतियाेगितामा  प्रथम लाई नगद रू १० हजार, द्वितीय रू ५ हजार र तृतीय रू ३ हजार दिने आयोजकले जनाएको छ ।

प्याब्सक अध्यक्ष गेन्द्र लामाले ०६१ सालमा स्थापना भएको  संस्थाले विगतदेखि नै विभिन्न शैक्षिक कार्यक्रम, रिफ्रेसमेन्ट कार्यक्रम संचालन गरेको जनाएका थिए । उनले त्यसै अन्तर्गतको यो सातौ फूटसल प्रतियोगिता हुन लागेको बताए । भाईचाराको विकास गर्न, अनुसासन लगायतका प्रतियोगिताको उदेश्य रहेको बताएका छन  ।

प्याब्सक महासचिव राजन श्रेष्ठले विद्यार्थीहरुको वौद्धिक क्षमतामा अभिवृद्धि गर्ने, विद्यालयबीचका विद्यार्थीहरुमा आत्मियताको भावना जागृत गर्ने,  भविष्यमा राष्ट्रिय स्तरकाे खेलाडी निर्माण गर्ने पहिलाे खुड्किला पनि भएकोले  खेल सम्बन्धि विभिन्न नियम सिकाउँदै मनोरञ्जन समेत प्रदान गर्न फुटसल कप आयोजना गर्न गइरहेको   बताए ।  फुडसल  दुई दिन हुने र हरेक खेलमा नकआउटका हुदैँ अगाडि बढने पनि बताए ।  साथै आयाेजकका अनुसार रेफ्रिका लागि एन्फाबाट सहयोग रहने कुरा पनि बताएका छन् ।