युथ नेपाल फाउन्डेसनद्वारा मित्र पार्कदेखि पशुपति क्षेत्र परिसरसम्मकाे सरसफाइ

मंसिर ९, काठमाडौं । युथ नेपाल फाउन्डेसनले मित्र पार्कदेखि पशुपति बाहिर परिसर वरिपरि सरसफाइ तथा जनचेतना कार्यक्रम संचालन गरेकाे छ ।
मंसिर १० शनिबार पशुपति क्याम्पसमा अध्ययनरत विद्यार्थीहरूकाे साझा समूह युथ नेपाल फाउन्डेसनले वातावरण स्वास्थ र सफा राख्ने उदेश्यका साथ सरसफाइ तथा वातावरण सरसफाइ सम्बन्धि जनचेतना मुलक कार्यक्रममा संचालन गरेकाे फाउन्डेसनका अध्यक्ष जेसि विश्वकर्माले शिक्षा संचारलाई बताए ।

शनिबार पशुपति बहुमुखि क्याम्पस परिसरबाट सुरु गरिएको सरसफाइ तथा जनचेतना मुलक कार्यक्रम मित्रपार्क चाेक, जयबागेश्वरी, गाैशाला, बनकाली धर्मशाला परिसर, पशुपतिनाथ मन्दीर दक्षिण गेट, पश्चिम गेट , उत्तरी गेट हुँदै पुनः पशुपति बहुमुखी क्याम्पस परिसरमा आएर सम्पन्न भएको थियोे ।
क्याम्पस अध्ययन गर्दै गर्दा सामाजिक र जनचेतना मुलक रचनात्मक कार्यक्रम गर्नु पर्छ भन्ने उदेश्यका साथ युथ नेपाल फाउन्डेसन दर्तागरी विभिन्न सामाजिक कार्यहरू रक्तदान, महिलाहरूलाई सेटिटरी प्याड वितरण, नारी हिंसा सम्बन्धि जागरण, विभिन्न किसिमकाे प्रतियाेगिता मुकल कार्यक्रमहरू संचालन गर्दै आइरहेकाे फाउन्डेसनका सदस्य रविना लामाले जानकारी दिइन् ।

विहान ८ बजेबाट सुरु भएको सरसफाइ तथा जनचेतना कार्यक्रममा फउन्डेसनका अध्यक्ष जेसी विश्वकर्मा, सचिव सराेज त्रिपाठी , सदस्यहरू रविना लामा , रमा परियार, स्नेहा कार्की लगायत पशुपति बहुमुखी क्याम्पसका विभिन्न तहमा अध्ययनरत ३० जनाभन्दा बढि विद्यार्थीहरूकाे सहभागीता रहेकाे थियोे । फोटो फिचर