डा.राजन भट्टराई र तेज प्रसाद ढकालको प्रचारमा पुण्य गौतम…….

काठमाण्डौ क्षेत्र नं ४ का प्रतिनिधि सभा सदस्य उम्मेदवार डा.राजन भट्टराई र प्रदेस सभा सदस्य उम्मेदवार तेज प्रसाद ढकालको चुनावी प्रचारमा अभियन्ता पुन्य गौतम सहभागी बनेका छन।

काठमाण्डौ महानगरपालिका वडा नं १ मा भएको चुनावी घरदैलोमा सहभागी बन्दै गौतमले डा.भट्टराई र ढकालको पक्षमा मत मागेका थिए। नेपालको राजनीति र देशको समृद्धिको अभियानमा नेकपा एमालेको प्रमुख र निर्णायक भूमिका रहेको भन्दै उनले काठमाण्डौ क्षेत्र नं ४ को विकासमा डा. राजन भट्टराईले खेलेको भूमिका सम्झेर मतदान गर्न स्थानीयहरुलाई आग्रह समेत गरेका थिए।

तिन  हजार ८ सय ४६  मतदाता रहेको काठमाण्डौ महानगरपालिका वडा नं १ का विभिन्न स्थानमा नेकपा एमालेका उम्मेदवारहरु सहित पुगेका गौतमले क्षेत्र नं ४ मा डा. भट्टराईलाई जिताएर देशको निर्णायक स्थानमा पुर्याउन मंगसिर ४ गते सुर्यमा मतदान गर्न आग्रह समेत गरेका थिए।