कागेश्वरी मनोहरामा मेयरसँग ज्येष्ठ नागरिक स्वास्थ्य कार्यक्रम

कार्तिक ५, काठमाडौं । कागेश्वरी मनाेहरा नगरपालिकाकाे आयोजनामा मेयरसँग ज्येष्ठ नागरिक बिशेषज्ञ स्वास्थ्य कार्यक्रम संचालन गरेकाे छ ।
थली वडा न ८ मा ज्येष्ठ नागरिकहरूकाे सम्मानका लागि  कागेश्वरी नगरपालिकाले मेयर  उपेन्द्र कार्कीकाे विशेष उपस्थितिमा   मेयरसँग ज्येष्ठ नागरिक कार्यक्रमकाे माध्यमबाट नगरपालिका भित्र बस्ने ज्येष्ठ नागरिकहरूलाई निशुल्क स्वास्थ्य चेक जाँज सहित ओैषधिहरू पनि उपलब्ध गराएकाे थियोे ।                                                    कागेश्वरी मनोहरा नगरपालिका वडा नं.८ मा शनिबार  २ सय ८७ जनाको निशुल्क स्वास्थ्य परिक्षण गरिएको छ ।
मेयरसंग ज्येष्ठ नागरिक विशेषज्ञ स्वास्थ्य कार्यक्रम अन्तर्गत वडा नं.८ मा आज २ सय ८७ जनाको निशुल्क स्वास्थ्य परिक्षण गरिएको वडा अध्यक्ष हरिभक्त पुडासैनीले जानकारी दिए ।
सो कार्यक्रमको कागेश्वरी मनोहरा नगरपालिकाका नगर प्रमुख उपेन्द्र कार्कीले गोठाटार वडा कार्यालय परिसरमा उद्घाटन गरेका थिए  ।
सो अवसरमा कार्यक्रमलाई संबोधन गर्दै  नगर प्रमुख कार्कीले स्वास्थ्य क्षेत्रलाई नगरपालिकाले विशेष प्राथमिकता दिएर कार्य गरिरहेको बताउदै ज्येष्ठ नागरिकहरुको घर घरमैं स्वास्थ्य सेवा पुर्याउने नीति अनुसार कार्य गरिरहेको बताए ।
आधारभूत स्वास्थ्य सेवा उपलब्ध गराउने नगरपालिकाको नीति अनुसार नगरपालिकाले स्वास्थ्य सेवा उपलब्ध गराइरहेको नगर प्रमुख कार्कीको भनाई थियोे  ।
मेयरसंग ज्येष्ठ नागरिक विशेषज्ञ स्वास्थ्य कार्यक्रमबाट लाभ लिन नगरबासीहरुलाई नगर प्रमुख कार्कीले आग्रह पनि गर्नुभएको थियो ।
नगरपालिकाले सबै वडाहरुमा मेयरसँग ज्येष्ठ नागरिक विशेषज्ञ स्वास्थ्य कार्यक्रम अन्तर्गत स्वास्थ्य सेवा दिइरहेको छ ।
मेयरसंग ज्येष्ठ नागरिक विशेषज्ञ स्वास्थ्य कार्यक्रम वडा नं.७ र ९ मा सम्पन्न भैसकेको छ भने अन्य वडाहरुमा संचालनको क्रममा रहेको स्वास्थ्य सहसंयोजक लक्ष्मी कोइरालाले जानकारी दिए।

कार्यक्रममा नगर कार्यपालिकाका सदस्य गुनकेसरी श्रेष्ठ, नगर सभा सदस्यहरु मुक्तिनाथ दाहाल, सिताराम आचार्य, सुनिता चापागाई लगायत वडाका कर्मचारीहरु लगायत नगरबासीहरुको उल्लेख्य सहभागिता रहेको थियो । भने  विशेषज्ञ चिकित्सकहरुले ज्येष्ठ  नागरिकहरूकाे स्वास्थ्य  परिक्षण गराएका थिए ।                                     फिटाे फिचर