प्रदीपलाई नरहरिकाे सुझाव- जनचाहनाको पक्षमा अडिग रहनू, जित सुनिश्चित छ

काठमाडौं क्षेत्र नम्बर ५ का पूर्वसांसद नरहरि आचार्यले सो क्षेत्रमा कांग्रेसका उम्मेदवार तथा युवा नेता प्रदीप पौडेललाई जनचाहनाअनुरूप स्थानीय, राष्ट्रिय र अन्तर्राष्ट्रिय मुद्दामा सधैँ नागरिकको पक्षमा अडिग रहन सुझाव दिएका छन्। बुधबार आचार्यलाई भेट्न पुगेका पौडेललाई आचार्यले यस्तो सुझाव दिएका हुन्।

‘काठमाडौं ५ का आमनागरिक विवेकशील, निष्ठावान र सचेत छन्। परिवर्तनको पक्षमा, सत्यको पक्षमा, विवेकपूर्ण न्यायको पक्षमा समर्पित यस क्षेत्रका बासिन्दाले कार्यभारको नेतृत्व तिमीलाई सुम्पनेछन् भन्ने कुरामा विश्वस्त छु। जनचाहनाअनुरूप स्थानीय, राष्ट्रिय र अन्तर्राष्ट्रिय मुद्दामा सधैँ नागरकिको पक्षमा अडिग रहेर अगाडि बढ्नू,’ भेटका क्रममा आचार्यले पौडेललाई भनेका थिए।

पौडेलले आफ्नो निर्वाचन क्षेत्रमा घरदैलो सुरु गरिसकेका छन्। काठमाडौं ५ मा एमालेबाट ईश्वर पाेखरेल उम्मेदवार छन्। दुवै प्रभावशाली नेता मैदानमा उत्रिएपछि प्रतिस्पर्धा रोचक हुने अनुमान गरिएको छ।