प्राज्ञिकद्वारा ११ हिमाली जिल्लामा शैक्षिक सामग्री वितरण गर्दै

भदौ ३, काठमाडौं । प्राज्ञिक विद्यार्थी परिषद् नेपालले ११ वटा हिमाली जिल्लाहरूमा कक्षा ११ र १२ का विद्यार्थीहरूलाई शैक्षिक सामग्री वितरण गर्ने भएको छ ।
विद्यार्थी परिषद्ले शुक्रबार रिपाेर्टर्स क्लवमा पत्रकार सम्मेलन आयोजना गरी ११ वटा हिमाली जिल्लाहरू सिन्धुपाल्चोक, दोलखा, रसुवा, बझाङ, ताप्लेजुङ, मनाङ, मुस्ताङ, गोरखा, मुगु, डोल्पा र हुम्लामा ३२ लाख २७ हजार लागत मूल्य रहेको व्याग, कपी, रेपिडेक्स पुस्तक, जमेक्ट्री बक्स, नेपाली बृहत् शब्दकोश, टोपी लगायतका शैक्षिक सामग्रीहरू वितरण गर्न गइरहेको विद्यार्थी परिषद्का राष्ट्रिय महासचिव छितराज न्याैपाने जानकारी दिए ।

सम्मेलनमा विद्यार्थी परिषद्ले राष्ट्र प्रथम भावका साथ नैतिकवान्, चरित्रवान् र संस्कारित युवा शक्ति नै राष्ट्रको मेरुदण्ड हो भन्ने विचार र चिन्तनको संवाहक प्राज्ञिक विद्यार्थी परिषद्, नेपाल राष्ट्र पुनःनिर्माणको बहुआयमिक सन्दर्भमा शिक्षा क्षेत्रमा दलगत राजनीति भन्दा माथि रहेर कार्य गर्ने नेपालको एकमात्र स्वतन्त्र विद्यार्थी संगठन हो २०५२ सालमा स्थापना भई २०५४ सालमा विधिवत् रूपमा जिल्ला प्रशासन कार्यालय काठमाडौंमा दर्ता भएपछि परिषद्को कार्य निरन्तर देशका ७७ वटै जिल्लाका शिक्षण संस्था, माध्यमिक तह (कक्षा ११ र १२) क्याम्पस तथा विश्वविद्यालयहरूमा विस्तार हुँदै गयो परिषद्ले विद्यार्थी, शिक्षक शिक्षाविद्हरूलाई एउटै मञ्चमा ल्याएर सहकार्य गरी राष्ट्रलाई परम् वैभवको स्थितिमा पुयाउनका लागि समाजका हरेक अङ्गमा व्यक्ति असल, इमान्दार र चरित्रवान् हुन जरुरी छ भन्ने आवश्यकता एवं यथार्थ मान्यतालाई प्रष्ट पार्दै आइरहेको छ अतः विद्यार्थीहरूलाई सक्रियरूपमा राष्ट्र निर्माणको कार्यमा समाहित हुन परिषद्ले प्रेरणा प्रदान गर्दै आइरहेको महासचिव छितराज न्याैपाने बताए ।
साेही सेवा कार्यलाई प्रथमिकता दिदै परिषद्ले हिमाली भेगमा अध्ययनरत विद्यार्थीहरूको आवश्यकतालाई महसुस गरी ११ वटा जिल्लाका कक्षा ११ र १२ मा अध्ययनरत १८ सय १० जना विद्यार्थीहरूलाई उक्त शैक्षिक सामाग्री वितरण गर्न गइरहेकाे परिषद्का महासचिवले बताएका छन् ।
विद्यार्थी परिषद्ले शैक्षिक परिवारको संकल्पनामा आधारित यस संगठनले रचनात्मक कार्यहरूका माध्यमबाट व्यक्तिको सर्वाङ्गीण विकास गर्दै विद्यार्थीहरूको हक र हितका लागि विभिन्न रचनात्मक कार्यक्रमहरू सञ्चालन गर्दछ जीवननोपयोगी सीपमा आधारित व्यक्तित्व विकास तालिम, छात्राहरूका लागि मिसन साहसी कार्यक्रम, निःशुल्क कम्प्युटर तालिम, कोचिङ् कक्षा, बालसंस्कार कार्यक्रम, सरसफाइ अभियान, वृक्षारोपण, प्रतिभा सम्मान, रक्तदान शिविर तथा सेवा कार्य तर्फ २०७२ मा गएको विनाशकारी भुकम्पबाट प्रभावित जिल्लाहरूमा राहत तथा शैक्षिक सामग्री वितरण, कोरोना महामारीको समयमा देशभर सेवाकार्य सञ्चालन, २०७८ सालमा बाढी प्रभावित क्षेत्रमा राहत वितरण, रौतहटमा बाढी प्रभावित र बारा तथा पर्सामा हावाहुरी प्रभावित विद्यार्थीहरूलाई शैक्षिक सामग्री वितरण आदि कार्यहरूमा निरन्तर रूपमा सेवा कार्यहरू गर्दै आइरहेकाे छ ।

पत्रकार सम्मेलनमा विद्यार्थी परिषद्का राष्ट्रिय संगठन सचिवले विगत २७ बर्षदेखि निरन्तर सेवा कार्यहरू गर्दै आइरहेकाे र यसलाई निरन्तरता दिने क्रममा परिषद्ले ११ वटा हिमाली जिल्लाका विद्यार्थीलाई भारतीय जनता र भारत सकारबाट प्राप्त भएको शैक्षिक सामाग्री विद्यार्थीहरूलाई वितरण गर्न गर्न गइरहेको प्रष्ट पार्नु भयो ।

सम्मेलनमा विद्यार्थी परिषद्का राष्ट्रिय संगठन सचिव नारायण प्रसाद ढकाल, महासचिव छितराज न्याैपाने, राष्ट्रिय सचिव नारायण तिमल्सिना , राष्ट्रिय मिडिया प्रमुख कृष्ण हुमागाई , महानगर सचिव जीवन जाेसि लगायत विभिन्न संचार माध्यममा कार्यरत पत्रकारहरूकाे उपस्थितिमा विद्यार्थी परिषद्ले गर्ने कार्य र अभियानकाे विषयमा विशेष अन्तरक्रिया पनि भएको थियोे ।