हिमालयन ह्वाइट हाउस इन्टरनेशनल कलेजद्धारा विद्यार्थीलाई ओरिन्टेसन

वैशाख १०, काठमाडौं । पुतलिसडक स्थित हिमालयन ह्वाइट हाउस इन्टरनेशनल कलेजले बीई. सिभिल, बी.टेक. इन बायोटेक्नोलोजी र बी.आइटीका विद्यार्थीलाई ओरिन्टेसन कार्यक्रम सम्पन्न गरेको छ । बिहिबार कलेजमा एक समारोहको आयोजना गर्दै नवआगन्तुक विद्यार्थीलाई स्वागत तथा ओरिन्टेसन कार्यक्रम गरेको हो ।

उक्त कार्यक्रममा बोल्दै कलेज सञ्चालक समितिका अध्यक्ष ई. लक्ष्मण पोखरेलले इन्जिनियरिङ्ग शिक्षाको महत्व माथि प्रकाश पार्दै कलेज गुणस्तरीय इन्जिनियरिङ शिक्षा प्रदान गर्न प्रतिवद्ध रहेको बताए । उनले विद्यार्थीहरुले मेहनतका साथ पढ्े इन्जिनियरहरु बेरोजगार छन् भन्ने अफवा भएको बताउदै अन्य देशको तुलनामा नेपालको इन्जिनियरिङ्ग शिक्षा अब्वल रहेको दावी गरे ।

कलेजका प्रिसिपल तोयानारायण पौडेलले कडा परिश्रम र अनुशासन विद्यार्थीका लागि वाञ्छनीय भएको बलाउदै गुणस्तरीय शिक्षा आर्जन पछि समाज र देश निमार्णमा लाग्नु पर्ने बताए ।

कार्यक्रममा इन्जिनियरिङ्ग अध्ययन संस्थानका प्रा.डा.विष्णु प्रसाद पाण्डेले उत्प्रेरणात्मक प्रस्तुति दिदै लागनशील भए असंभव केहि नरहेको बताउदै आफू सरकारी विद्यालयमा पढेर आज यो स्थिति सम्म पुग्न सफल भएको बताए । एक जना इन्जिनियर जति वुद्धिमान हुन्छ त्यति नै इमान्दार र नैतिकवान हुनुपर्नेमा जोड दिए । हिमालयन ह्वाइट हाउस जस्तो संस्थामा पढ्न पाउनु विद्यार्थीहरुको लागि सौभाग्य भएकाले पढ्ने समयमा राम्रो ज्ञान र सीप हासील गरी राष्ट्र निर्माणमा योगदान पु¥याउनु पर्नेमा जोड दिए ।

कार्यक्रममा त्रिवि इन्जिनियरिङ्ग अध्ययन संस्थानका प्रा।डा। सुवर्ण शाक्यले सुचना प्रविधि र डा. समिरमणि दिक्षितले बी.टेक. बायोटेक्नोलोजीका विषयमा प्रस्तुति राख्नुभएको थियो ।

कार्यक्रममा सहभागीहरुलाई कलेजका भाइस प्रिन्सिपल डा. अल्का सापकोटाले स्वागत गर्नुभएको थियो । कार्यक्रमको अध्यक्षता कलेजका प्रबन्ध निर्देशक ई.शिवप्रासद पौडेलले र कार्यक्रम सञ्चालन सोही कलेजका प्रमुख प्रशासकीय अधिकृत नारायण आचार्यले गरेका थिए ।  हिमालयन ह्वाइट हाउस कलेज पर्वाञ्चल विश्वविद्मालयबाट सम्बन्धन प्राप्त नेपालकै एक उत्कृष्ट कलेज मानिन्छ । यस कलेजमा स्नातकतहमा बिबिए, बिएचएम, बीई. सिभिल, बीटेक इन बायोटेक्नोलोजी र बी.आइटी कार्यक्रमहरु सञ्चालन भईरहेका छन् भने स्नाकोेत्तर तहमा एमबीए र ईएमबीए कार्यक्रम सञ्चालित छन् ।