पर्वत काङग्रेसमा आइस ब्रेक

चैत्र ५, पर्वत । नेपाली  काङग्रेस पर्वत  विविध आरोह अवरोहका बावजुद अत्यन्तै संयम र सजगताका साथ अगाडी बढी रहेको छ ।  तथापी नेतृत्वको रस्साकस्सिको कारणले कहिलेकाही आम कार्यकर्ता नैरास्यता देखिने गरेको पनि साँचो हो । नेपाली काङ्ग्रेस पर्वतको विगत  लामो समय देखी र १४ औं महाधिबेशनमा समेत फरक समुहमा देखिएका शीर्ष नेताहरु स्थानीय निकायको सन्मुखमा आपसमा समझदारी र समन्वयका साथ अगाडी बढ्ने संकेत देखिएको छ ।
फागु पुर्णिमाको अवसर पारी पार्टिका पुर्व मुख्य सचिब तथा पुर्व सांसद समेत रहेका नेता ऋशिकेष तिवारीले उक्त कार्यको थालनी गर्न खोजेको देखिएको छ । निबर्तमान नेपाली कांग्रेसका केन्द्रिय सदस्य नेता अर्जुन प्रसाद जोशी, ऋषिकेश तिवारी तथा अन्य काठमाडौँमा उपलब्ध दर्जनौ पर्वतका नेताहरुको प्रत्यक्ष सहभागीतामा भएको फागु पुर्णिमाको शुभकामना साटासाट गर्ने क्रममा नेताहरु आपसमा संयम र गतिशिल भएर अगाडी बढेमा पर्वतमा काङग्रेसको नेतिृत्व सुनिश्चित रहेको उपस्थित सम्पूर्ण नेता कार्यकर्ताले समेत बताएका छन् ।

अनौपचारिक कार्यक्रममा बोल्ने क्रममा नेता जोशी ले पर्वत काङग्रेस सुदृढ बनाउने कार्यका लागि जुनसुकै हदसम्म लचक हुने बताउदै विभिन्न भातृ तथा सुभेच्छुक संस्थाको केन्द्रिय नेतृत्वमा पर्वतका युवाहरुको संलग्नता अति बढेको कारणले आफु हर्षित समेत भएको बताए । साथै कार्यक्रममा बोल्ने नेता जोशी ले आगामी चुनाब सम्म काङग्रेस नेता कार्यकर्ताहरुलाई सामाजिक संजाल तथा मिडियामा सकारात्मक लेख्न तथा बोल्न आग्रह पनि गरे ।
त्यसै गरी उक्त कार्यक्रमका संयोजन कर्ता नेता ऋषिकेष तिवारीले यो नेपाली को सद्भाबको चाड भएको र काठमाडौँमा उपलब्ध साथीहरु संग अनौपचारिक शुभकामना साटासाट तथा छलफल कार्यक्रम रहेको बताए र बोल्ने क्रममा उनले पर्वत काङग्रेसमा न्याय सहितको एकता सम्भब भएमा अब काङग्रेसमा Ice-Break हुने बताए । पर्वत काङग्रेसका केहि महत्तवपुर्ण साथीहरु लालकाजी गुरुङ, नवराज गुरुङ, खगेन्द्र तिवारी, राम शर्मा, बसन्त सी.के, दुर्गा बहादुर खत्रि जस्ता साथीहरु संग समेत आवश्यक छलफल र परामर्श गरि अगाडी बढे काङग्रेसलाई सुदृढ र गतिशील बनाउन सकिने बताए । आफु सधै मेलमिलाप र एकताको पक्षमा रहेको र आम काङग्रेसको भावनालाई समेट्दै र एककृत गर्दै अगाडी बढ्ने बताएका छन् ।