चैत्रमा ब्याजदर नबढाउने बैंकर्स संघको निष्कर्ष

फागुन २९, काठमाडौं । बैंकर्स एसोसिएसनले चैत्र महिनाका लागि ब्याजदर नबढाउने निर्णय गरेकाे छ ।

ब्याजदर घटाउने वा बढाउने भन्ने विषयमा गत शुक्रबार साँझ बसिएकाे बैठकमार्फत् ब्याजदर बढाएर मात्रै निक्षेप नआउने भन्दै ब्याजदर स्थिर राख्ने निणर्य गरिएकाे हाे ।

याे सँगै अब वाणिज्य बैंकहरुले चैतका लागि निक्षेपकाे ब्याजदर ११.०३ प्रतिशतलाई नै निरन्तरता दिनेछन् । यसअघि मुद्दती निक्षेपमा १० प्रतिशतको हाराहारीमा र बचत खातामा ६ प्रतिशतको हाराहारीमा रहेको व्याजदर बढाउँदै वाणिज्य बैंकहरुले फागुन महिनामा मुद्दती निक्षेपमा ११.०३ प्रतिशत र बचत खातामा ८ प्रतिशतको हाराहारीमा व्याज दिएका थिए ।

बैंकहरूले हरेक महिना निक्षेपको नयाँ ब्याजदर सार्वजनिक गर्नुपर्ने प्रावधान रहेकाे छ ।