नेपाल शिक्षक महासंघको राष्ट्रिय स्वतन्त्र पार्टीको कार्यालयमा धर्ना

आन्दोलनत नेपाल शिक्षक महासंघले राष्ट्रिय स्वतन्त्र पार्टीको पार्टी कार्यालयमा धर्ना दिएको छ । प्रस्तावित विद्यालय शिक्षा विधेयकमा शिक्षकहरुका माग समावेश नगरिएको भन्दै उक्त विधेयक सच्याउन मागसहित धर्ना दिएको हो ।

संसदीय समितिबाट पारित भएर प्रतिनिधि सभामा पुगेको शिक्षा विधेयकमा महासङ्घका मागहरू सम्बोधन गर्न दबाब दिनको लागि धर्नामा बसेको महासंघले जनाएको छ । महासंघका आन्दोलनका कार्यक्रम अन्तर्गत विभिन्न पार्टीको केन्द्रीय कार्यलयमा दुई घण्टा धर्ना दिएको छ भने भदौ २० गतेसम्म धर्ना कार्यक्रम जारी रहने जनाएको छ ।

अस्थायी प्रकृतिका शिक्षकको पदपूर्ति आन्तरिक प्रतिस्पर्धा ७५ प्रतिशत र खुला २५ प्रतिशत हुनुपर्ने, विद्यालय कर्मचारीको पद र वेतन सुनिश्चित हुनुपर्ने, बालकक्षा शिक्षकको पद र सेवा सुविधा निश्चित हुनुपर्ने माग गरेको छ । साथै संस्थागत विद्यालयका शिक्षकको सेवा र अव्यवहारिक सरुवा प्रणालीको व्यवस्था ल्याइएको भन्दै आन्दोलितमा उत्रिएको छ ।