मो.परवेज नेपाल ल क्याक्पसमा उम्मेदवार बन्न लागेकोमा विद्यार्थीको विरोध

वैशाख ३, काठमाडौं । नेपाल ल क्याम्पसमा कारवाहीका लागि सिफारिस भएका मो.माजीद परवेज नेपाल ल क्याक्पसमा उम्मेदवार बन्न लागेको भन्दै विद्यार्थीले विरोध गरेका छन् । रौतहट जिल्ला क्षेत्र नं २, परोहा नगरपालिका २ बस्ने परवेज नेपाल ल क्याम्पसमा नेपाल विद्यार्थी संघले स्ववियु निर्वाचनका लागि अध्यक्षको उम्मेदवार बन्न लागेको भन्दै विरोध भएको हो ।

परवेजलाई फागुन २७ गते रौटहट क्षेत्र नं. २ का नेपाली कांग्रेसका सभापति सेख फैजुल्लाहले लामो समयदेखि पार्टीविरोधी कार्यमा लागेको र उनका बुबा स्थानीय चुनावमा फरक पार्टीको उम्मेदवार भएको भन्दै नेपाल विद्यार्थी संघ केन्द्रीय कार्यालयलाई चिठी लेखेर कारवाहीको सिफारिस गरेका थिए ।

परवेज हाल जिल्ला नगर, क्षेत्र, वार्डमा कुनै पनि पदमा क्रियाशिल सदस्य समेत नरहेको र नेपाल ल कायम्पस इकाई समितिमा रहेकोले निज मो। माजीद परवेजलाई पार्टीको कुनै पनि पदमा नराख्न समेत क्षेत्रीय सभापतिले पत्रमा उल्लेख गरेका छन् ।

उनै माजीद परवेजले हाल केन्द्रीय अध्यक्ष दुजाङ शेर्पाको जोडबलमा नेवीसंघको तर्फबाट नेपाल ल क्याम्पसको स्ववीयु सभापतिमा उम्मेदवारी दिन लागको भन्दै विद्यार्थीले चर्को विरोध जनाएका हुन् ।