त्रिविले अंग्रेजी र नेपाली दुवै भाषामा सोध्न थाल्यो प्रश्नपत्र

पुष २१, काठमाडौं । त्रिभुवन विश्वविद्यालयले अंग्रेजी र नेपाली दुवै भाषामा प्रश्नपत्र बनाउन थालेको छ। अंग्रेजी भाषामा मात्रै प्रश्न पत्र बनाउँदा विद्यार्थीहरूलाई प्रश्न बुझ्न गाह्रो भएको जनाउँदै विश्वविद्यालयले स्नातक तह प्रथम वर्षको परीक्षामा दुवै भाषामा प्रश्नपत्र बनाउन थालेको हो।

विगत केही वर्ष अघि विद्यार्थीहरूले अंग्रेजी भाषामा प्रश्न पत्र आउँदा नबुझिएको गुनासो पोखेकोले र परीक्षा नतिजा पनि राम्रो नआएकोले त्रिविले दुवै भाषामा प्रश्न पत्र बनाउने निर्णय गरेको थियो। साेही विषयलाई लिएर प्राज्ञिक  विद्यार्थी परिषद्ले निरन्तर रूपमा दुवै भाषामा प्रश्न पत्र तयार गर्न त्रिविलाई दिदै आइरहेको थियोे ।

त्यसँगै पछिल्लो समय रास्वपा बाट शिक्षा मन्त्री भएकी सुमना श्रेष्ठले यसलाई थप कार्यनयनमा लैजान महत्त्व भूमिका खेलेकि थिइन । त्यस कार्यलाई निरन्तरता दिदै वर्तमान शिक्षा मन्त्री र त्रिवि कार्यकारी परिषद्ले यस पटकदेखि दुवै भाषामा प्रश्न पत्र साेध्ने निर्णय कार्यनयन भएको हाे ।

त्यसैले पहिलो पटक अहिले सञ्चालनमा रहेको स्नातक तह प्रथम वर्षको परीक्षामा दुवै भाषाबाट प्रश्नपत्र बनाएको परीक्षा नियन्त्रण कार्यालयले जनाएको छ।