कृषि तथा वन विज्ञान विश्वविद्यालयको उपकुलपतिका लागि दरखास्त आह्वान

काठमाडौं ।  कृषि तथा वन विज्ञान विश्वविद्यालयको रिक्त उपकुलपतिका लागि दरखास्त आह्वान गरिएको छ । उपकुलपतिका लागि नाम सिफारिस गर्न गठित छनोट तथा सिफारिस समितिले दरखास्त आह्वान गरेको हो ।

त्यसका लागि कृषि तथा वन विज्ञान विश्वविद्यालयको उपकुलपति छनोट तथा सिफारिससम्बन्धी कार्यविधि, २०८१ जारी गरिएको छ । सोही अनुसार इच्छुक तथा योग्य व्यक्तिलाई शिक्षा, विज्ञान तथा प्रविधि मन्त्रालयको उच्च शिक्षा शाखामा दरखास्त दिन भनिएको छ । उपकुलपतिका लागि मान्यता प्राप्त विश्वविद्यालयबाट कम्तीमा विद्यावारिधि उपाधि प्राप्त गरेको हुनुपर्नेछ ।

कुनै विश्वविद्यालयको प्राध्यापक पदमा स्थायी नियुक्त भई सो पदको अनुभव हासिल गरेको, कृषि तथा वन विज्ञानको क्षेत्रको विशेष अनुभव हासिल गरेको लगायतका मापदण्ड तोकिएका छन् ।

त्यस्तै दरखास्त दिनु तत्काल अघि कुनै राजनीतिक दलको सदस्यता नरहेको समेत हुनुपर्नेछ । दरखास्त दिने अन्तिम दिनसम्म ६३ वर्ष उमेर ननाघेको हुनुपर्नेछ ।

समितिले तीन जनाको नाम कुलपतिसमक्ष सिफारिस गर्नेछ । त्यसका लागि सिफारिसमा परेकामध्ये कृषि तथा वन विज्ञानको क्षेत्रमा विशेष अनुभव भएका व्यक्ति मध्येबाट कम्तीमा १÷१ जना पर्नेगरी तीन जनाको नाम सिफारिस गर्नुपर्नेछ ।