चर्चित बाबा धीरेन्द्र शास्त्री (बागेश्वर बाबा) सुनसरीको चतराधामस्थित कुम्भ मेलामा

विराटनगर । सुनसरीको बराहक्षेत्र नगरपालिका–१ स्थित चतराधाममा जारी महाकुम्भ मेलामा चर्चित बाबा धीरेन्द्र शास्त्री  आइपुगेका छन् । उनी भारतबाट नेपाल आएर कुम्भ मेलामा सहभागी भएका हुन् ।

महामुम्भ मेलामा बागेश्वर धामका चर्चित युवा बाबा शास्त्री चतरा पुगेका हुन् । उनले त्यहाँ पुगेर पूजाआजा समेत गरेका छन् । सुनसरीको प्रशिद्ध धार्मिक क्षेत्र चतरामा सुरु भएको एक महिने महाकुम्भ मेलामा शास्त्री आफ्नो टिमसहित आएका हुन् ।

शास्त्री भारतीय संचारमाध्यममा सर्वाधिक चर्चित धार्मिक व्यक्तित्वमा पर्ने गर्छन् । शास्त्री भगवान विष्णुले बराह अवतार लिएको वराह क्षेत्र, श्रीरामले बनबासका क्रममा धुनी बालेको रामधुनीलगायतका धार्मिक क्षेत्रको अवलोकन गर्ने कार्यक्रम छ ।