हिन्दू समुदायमाथी आक्रमण गरेको भन्दै दोषिलाई कारवाही गर्न माग

फागुन ६, काठमाडौं । रौतहटका विभिन्न धार्मिक संघसंस्थाले रौतहटमा अराजक व्यक्तिहरुले हिन्दू समुदायमाथी आक्रमण गर्दै आएको भन्दै दोषिमाथि कारवाही गर्न माग गरेका छन् । रौतहटको इशनाथ गाउँपालिकामा मन्दिरमा आगजनी गरिएको घटना सेलाउन नपाउँदै श्रीपञ्चमीको मूर्ति सेलाउने क्रममा इशनाथको वडा नं. ५ डुमरीयामा हिन्दू माथी आक्रमण भएको भन्दै बिहिवार दोषिमाथि कारवाहीको माग गरेका हुन् ।

रौतहटमा मन्दिर तोडफोड, हिन्दू माथी सांघातिक आक्रमण बढ्दै गए पछि दोषिमाथि कारवाही गर्न माग गर्दै हिन्दू संघसंस्थाले आवाज उठाउनुका साथै विरोध प्रदर्शन समेत हुन थालेको छ ।

विश्व हिन्दू महासंघ रौतहट, विश्व हिन्दू परिषद् नेपाल रौतहट, नेपाल विश्व हिन्दू महासंघ रौतहट, हिन्दू परिषद् नेपाल रौतहट, हिन्दू युवा मोर्चा रौतहट र हिन्दू सम्राट सेना रौतहटले आइतवार संयुक्त प्रेस विज्ञप्ति जारी गर्दै सो माग गरेका हुन् ।

यसैगरी, शुक्रवार हिन्दु सम्राट नेपाल पर्साले हिन्दु समाज माथी नियोजित तरिकाले आक्रमण हुँदै आएको भन्दै प्रधानमन्त्रीलाई ज्ञापन पत्र पठाएको छ । जिल्ला प्रशासन कार्यालय पर्सा मार्फत ज्ञापन पत्र पठाउँदै दोषिमाथि कारवाही गर्न माग गरेको हो ।

रौतहटको दक्षिणीभेग ईशनाथ नगरपालिकामा दुइटा मन्दिरमा आगजनी गरेको घटना नसेलाउन नपाउँदै श्री पञ्चमी पूजाको सरस्वतीको मूर्ति सेलाउन जाने क्रममा बिहीवार हिन्दू समुदायमाथी अर्को समुदायले आक्रमण गरेको भन्दै हिन्दु सम्राट नेपाल पर्साले घटनाको छानबिन गरि दोषी उपर सशक्त कारवाही गर्न माग गरेको हो ।

हिन्दु सम्राट नेपाल जिल्ला अध्यक्ष कृष्णा कुमार साहको नाम उल्लेख गरि प्रधानमन्त्रीलाई पठाइएको पज्ञमा भनिएको छ– सम्माननीय प्रधानमन्त्री ज्यू, विगत झै रौतहटको दक्षिणीभेग ईशनाथ नगरपालिकामा दुइटा मन्दिरमा आगजनी गरेको घटना नसेलाउँदै अर्को घटना भएको छ । त्यहाँ सरस्वती माताको मूर्ति सेलाउन जाने क्रममा बिहीवार मुस्लिम समुदायद्वारा आक्रमण हुँदा एकजनाको टाउको फुटेको छन भने कैयौंलाई चोटपटक लागेको छ ।

ईशनाथ–५ जटहरा गाउँबाट सरस्वतीको मूर्ति लिएर डुमरिया गाउँ छेउ अडुवा नदीमा सेलाउन जाने क्रममा दिउँसो २ बजे मोतिपुर गाउँमा मुस्लिम समुदायको मानिसले अचानक ढुंगामुढा प्रहार गर्दा स्थानीय नरेश पासवानको टाउको फुटेको तथा अन्य कैयौं लाई चोटपटक लागेको छ । के ८१% भन्दा बढी ॐ कार परिवार हिन्दु भएका देशमा बारम्बार हिन्दु समाज माथी नियोजित तरिकाले कुपिट गर्दै आएका छन । यस घटनाको उचित छानबिन गरि दोषी उपर सशक्त कार्वाहीको माग हिन्दु सम्राट नेपाल यहि ज्ञापन पत्र मार्फत गर्दछ ।