सत्ता साझेदार दल नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेत्रविक्रम चन्द विप्लव नेतृत्वको नेपाल कम्युनिस्ट पार्टीसँग पनि एकताका लागि आव्हान गर्नुभएको छ ।
शुक्रबार काेटेश्वरस्थित माओवादी केन्द्रकाे केन्द्रीय कार्यालय पेरिसडाँडामा आयाेजित पार्टी प्रवेश कार्यक्रममा उहाँले अन्य कम्युनिस्ट घटकहरुसँग पनि मिलेर अगाडि जान सकिने पनि बताउनुभएको छ । देशमा प्रतिक्रियावादी शक्तिहरुले माओवादी केन्द्रलाई घेराबन्दी गरिरहेकाे बताउनुहुदै उहाँले यसप्रति क्रान्तिकारी कम्युनिस्ट पार्टीहरु सचेत रहनुपर्ने धारणा व्यक्त गर्नुभयो ।
माेहन वैद्य किरण र विप्लवप्रति लक्षित गर्नुहुदै उहाँले लहडमा मात्रै कुनै पनि पार्टी अगाडि बढ्न नसक्ने बताउनुहुदै उहाँले सबै जना मिलेर नै माओवादी केन्द्र पार्टी निर्माण भएकाे बताउनुभयो । ‘प्रचण्ड पनि आफै बनेकाे हाेइन, जनताले बनाएकाे हाे । किरणजी जानुभयो, यसमा केहिले बुझेर अलि अगाडि नै फेरि फर्केर आउनुभएकाे छ । विप्लवजीले जुन गर्न खाेज्नुभाथ्याे त्याे हुने कुरै थिएन । विप्लवजीहरु पनि ढिलाेचाँडाे पार्टीमा हात मिलाउन आउनुहुने मलाई विश्वास छ ।’ प्रचण्डले बताउनुभयो ।
धेरै ठूलाे संघर्ष र वलिदानपछि वर्तमान अवस्थामा आइपुगेकाे बताउनुहुँदै उहाँले एक हुन नसके नियत जे भए पनि नियति क्षतविक्षत हुने विचार राख्नुभयाे । समग्रमा, विगतमा विभाजित भएका माओवादीका घटकहरुलाई फेरि पनि मिलेर जानुपर्नेमा उहाँको जाेड रहेको छ
प्रतिकृया दिनुहोस्