वाग्मती प्रदेश लेखा समितिकाे आयोजना स्थानीय तहमा लेखा समिति गठन र बेरूजु न्युनिकरण सम्बन्धि अन्तक्रिर्या कार्यक्रम सम्पन्न ।

असार २०, ललितपुर । वागमती प्रदेश सभा सार्वजनिक लेखा समितिद्वारा स्थानीय जनप्रतिनिधिहरू बिच सार्वजनिक लेख समितिकाे गठन र बेरूजु न्युनीकरण सम्बन्धि एक दिने अन्तरक्रिया कार्यक्रम सम्पन्न भएको छ ।
काठमाडौं उपत्यकामा नव निर्वाचित जनप्रतिनिधिहरूलाई स्थानीय तहमा हुने लेखा समिति गठन र वेरूजु न्युनिकरण गर्ने । त्यस विषयमा सजग गराउने र आगामी दिनमा बेरूजुलाई शुन्यमा ल्याउने उदेश्यका साथ आयोजना गरिएको एक दिने अन्तरक्रिया कार्यक्रम प्रमुख अतिथि बागमती प्रदेशका उप सभामुख राधिका तामाङ र लेखा समितिका सभापति माननीय न्हुछे नारायण श्रेष्ठज्युले संयुक्त रूपमा उद्घाटन गरी प्रारम्भ गर्नु भएको थियोे ।
साेमबार ललितपुरकाे इन्द्रणी वैङ्कुटमा आयोजना गरेकाे अन्तरक्रिया कार्यक्रममा स्थानीय तहका लेखा संयाेजकहरू , जनप्रतिनिधि र लेखा समितिका सदस्यहरू बिच विशेष छलफल र अन्तक्रिर्या गरिएको लेखा समितिका सभापति माननीय न्हुछे नारायण श्रेष्ठज्युले जानकारी दिनु भयाे । उहाँले मानिस स्वास्थ रहन पिसाब क्लिएर हुनु पर्ने र सरकार स्वास्थ दुरूस्त रहन हिसाब क्लिएर हुनु पर्ने भएकोले पनि लेखा समितिकाे बढी भूमिका र महत्त्व रहने विषय उल्लेख गर्नु भयो । उहाँले यश गत बर्ष वागमती प्रदेशमा भएको बेरूजुलाई दफाबार छफलफ गर्दै त्यसलाई समाधान गर्नका लागि प्रदेश सभामा पेस भएको र त्यसलाई न्युनिकरण गर्नकै यस्तो किसिमकाे कार्यक्रम अत्यन्तै महत्त्वपूर्ण हुने भएकोले याे कार्यक्रम आयोजना गरेकाे प्रष्ट पार्नु भयो ।

दुई वटा अलग अलग सत्रमा भएको कार्यक्रममा पहिलो सत्रमा डा राेजनाथ पाण्डेले स्थानीय तहमा सार्वजनिक लेखा समिति गठन महत्त्व र प्रभावकारिताकाे बिषयमा सहजीकरण गर्नु भएको थियोे भने हर्काे नायव महालेखा परिक्षक त्रिलाेचन आचार्यले स्थानीय तहमा बेरूजु न्युनिकरण, सम्परीक्षण एवम् लेखा समितिकाे भूमिका बिषयमा सहजी करण गर्नु भएको थियोे ।