शिक्षा तथा मानव स्रोत विकास केन्द्रले जारी गर्यो यस्ताे सूचना

काठमाडौं । शिक्षा तथा मानव स्रोत विकास केन्द्र, पाठ्यक्रम तथा सामग्री शाखा सानोठिमी, भक्तपुरले २०७९/८० मा अन्तर्राष्ट्रिय साक्षरता दिवसको अवसरमा प्रकाशन हुने शैक्षिक स्मारिकाको लागि लेख रचना उपलब्ध गराउन सार्वजनिक सूचना जारी गरेको छ ।

साक्षरता, शिक्षक शिक्षा, दूर शिक्षा तथा शैक्षिक व्यवस्थापनलगायत शिक्षासँग सम्बन्धित क्षेत्रका अनुसन्धानमूलक, विचारमूलक, विश्लेषणात्क र मौलिक लेख रचना २५ सयदेखि तीन हजार शब्दसम्मको साउन १५ गतेभित्र शाखाको इमेल ठेगाना cehrdcu21@gmail.com मा पठाउनुपर्ने गत हप्ता जारी सूचनामा उल्लेख गरिएको छ ।

नेपाली भाषा भए युनिकोड अक्षर साइज १० र अंग्रेजी भाषा भए टाइम्स न्यू रोमन अक्षर साइज १२ मा उपलब्ध गराउनुपर्ने छ । लेखसार, विषय प्रवेश, विद्यमान अवस्थाको विश्लेषण, सुझाव, निष्कर्ष र सन्दर्भ सामग्रीकाे ढाँचामा लेख रचनामा हुनुपर्ने बताइएको छ ।

थप स्पष्ट हुन याे हेर्नुहाेस्