पढाई भएको दिनदेखि मात्रै शिक्षक-कर्मचारीको तलब निकासा गर्ने

स्याङ्जाको हरिनास गाउँपालिकाले पढाई भएको दिनदेखि मात्रै शिक्षक, विद्यालय कर्मचारी र बालविकासका शिक्षकहरूको तलब निकासा गर्ने भएको छ । देशभरका शिक्षक तथा विद्यालय कर्मचारीहरू विभिन्न माग राखी आन्दोलनमा रहेको उल्लेख गर्दै सो कुरा जनाएको हो ।

गाउँपालिकाका अध्यक्ष खिमनारायण मानन्धरले एक विज्ञप्ति जारी गर्दै विद्यालय खोलेर पठनपाठन गर्न समेत आग्रह गरेका छन् । उनले भनेका छन् नेपाल भरका शिक्षकहरूले विभिन्न माग राखी आन्दोलनमा रहेको कुरा सर्वविदितै छ । हरिनास गाउँपालिकाभरका विद्यालयहरूका शिक्षक, कर्मचारी तथा बाल शिक्षकहरूको विद्यालयमा पढाई भएको दिनदेखिको मात्रै तलब निकासा हुने सम्पूर्णमा अनुरोध छ ।”