विद्यार्थी परिषद्काे दशाैँ राष्ट्रिय अधिवेशनकाे देशभर प्रचार प्रसार तीव्र

चितवन । प्राज्ञिक विद्यार्थी परिषद्काे दशाैँ राष्ट्रिय अधिवेशनकाे प्रचार प्रसार तीव्र रूपमा अगाडि बढिरहेको छ  ।

प्राज्ञिकलेे  हरेक दुई दुई वर्षमा गर्ने आफ्नो राष्ट्रिय अधिवेशन यस वर्ष दशाैँ राष्ट्रिय अधिवेशन  चितवनकाे भरतपुरमा सम्पन्न गर्न गईरहेकाे छ ।

परिषद्ले सम्पन्न गर्न गइरहेको  आफ्नो दशाैँ राष्ट्रिय अधिवेशनकाे प्रचार प्रसार, अर्थ संकलन र अधिवेशन स्थल व्यवस्थापन  गायतका कार्यहरूलाई  प्रतिनिधि स्वगतकाे लागि तीव्र रूपमा अगाडि बढाइएको  विद्यार्थी परिषद्ले जनाएको छ ।

यहीँ चैत्र २, ३ र ४ गते  “राष्ट्रिय सुरक्षा, स्ववलम्बन, सुशासनका लागि दशाैँ राष्ट्रिय अधिवेशन”  भन्ने मुल नाराका साथ चितवनकाे भरतपुरमा सम्पन्न हुन गइरहेको राष्ट्रिय अधिवेशनमा देशभरकाे १२० भन्दा बढि नगर एकाइ र ६०० भन्दा बढी क्याम्पसबाट १००० भन्दा बढि अधिवेशन प्रतिनिधिकाे उपस्थिति सम्पन्न हुने लक्ष्य लिएको विद्यार्थी परिषद्काे भनाइ छ ।

परिषद् अधिवेशनकाे तयारी र अधिवेशनमा हुने सम्पूर्ण गतिविधिकाे बारेमा फागुन २८ गते बृहत् पत्रकार सम्मेलन पनि गर्न गइरहेको परिषद्ले जनाएको छ ।

देशभरबाट शिक्षक, शिक्षाविद्, विद्यार्थी, शुभचिन्तक र समाजसेवीहरूकाे पनि  उपस्थिति हुने अधिवेशनले संगठनकाे आगामी कार्यदिशा रणनीति सँगै महत्त्वपूर्ण विषयहरूमा गहन बहस र छलफल गर्ने याेजना बनाएको छ ।

अधिवेशन प्रचार प्रसारका तस्वीरहरू :