शिक्षक जस्तो सम्मानित पेसालाई पार्टीले दुरुपयोग मात्रै गरे : सुमना श्रेष्ठ

फागुन । राष्ट्रिय स्वतन्त्र पार्टीकी सांसद एवं पूर्व शिक्षामन्त्री सुमना श्रेष्ठले पुराना पार्टीहरूले शिक्षकहरूलाई दुरुपयोग मात्रै गरेको बताएकी छिन् । शनिवार सुनसरीको रामधुनीमा पार्टीका कार्यकर्तालाई सम्बोधन गर्दै शिक्षक जस्तो सम्मानित पेसालाई राजनीतिक रूपमा दुरुपयोग मात्रै गरिएको बताएकी हुन् ।

उनले अहिलेको शैक्षिक नतिजा पार्टीले शिक्षकको दुरुपयोग गरेर आएको उल्लेख गरिन । उनले भनिन् ‘शिक्षक जस्तो सम्मानित पेसालाई राजनीतिक रूपमा दुरुपयोग मात्रै गरियो । शिक्षण पेसालाई दलीय राजनीति मुक्त नबनाउँदासम्म केही हुने वाला छैन ।’ सांसद श्रेष्ठले तालाबन्दीले विद्यालयमा पढ्ने वातावरणको सिर्जना नभएको समेत बताइन ।

पार्टीले जिल्लामा आयोजना गरेका विभिन्न कार्यक्रममा सहभागी भएकी श्रेष्ठले व्यवहारिक शिक्षाको आवश्यकता रहेको बताउँदै दक्ष जनशक्ति बनाउन आवश्यक रहेको कुरामा जोड् दिइन ।