ओडिसाको केआईआईटीले नेपाली विद्यार्थी र जनतासँग क्षमायाचना गर्यो

फागुन ६, काठमाडौं । भारतको ओडिसा राज्यको भुवनेश्वरस्थित कलिङ्गा इन्स्टिच्युट अफ इन्डस्ट्रियल टेक्नोलोजी (केआईआईटी) ले नेपाली विद्यार्थीहरूसँग भएको दुर्व्यवहारको घटनामा प्रति क्षमायाचना गरेको छ । क्याम्पसका उपकुलपति प्रा। सरनजीत सिंहले इामायाचना पत्र लेख्दै १६ फेब्रुअरी २०२५ को साँझ क्याम्पसमा भएको अप्रिय घटनाबाट आफूहरू स्तब्ध रहेको बताएका हुन् ।

पत्रमा भनिएको छ- “हामीमध्ये केहीले आन्दोलनकारी विद्यार्थीहरूसँग गरेको व्यवहारप्रति पनि हामी दुःखी छौं ।” उनले भारतीय विद्यार्थीलाई जस्तै नेपाली विद्यार्थीलाई पनि क्याम्पसले समान व्यवहार गर्ने बताएका छन् ।

विद्यार्थीहरूलाई अभद्र व्यवहार गर्ने दुई अधिकारीहरूका बारेमा टिप्पणी गर्दै ती अत्यन्तै गैरजिम्मेवारपूर्ण रहेको पत्रमा लेखिएको छ । यस्तै ती टिप्पणीहरूलाई क्याम्पसले समर्थन नगर्ने पनि विज्ञप्तिमा भनिएको छ । पत्रमा अभद्र व्यवहार गर्ने दुई अधिकारीहरूलाई क्याम्पसबाट निलम्बन गरेको समेत जानकारी दिइएको छ ।

उपकुलपति सिंहले नेपाली विद्यार्थीहरूलाई तुरुन्तै नियमित अध्ययनमा सामेल हुन समेत अपिल गरेका छन् ।