प्राज्ञिक विद्यार्थी परिषद्काे बृहत् सदस्यता अभियान आजबाट प्रारम्भ

काठमाडौँ । प्राज्ञिक विद्यार्थी परिषद्, नेपालकाे बृहत सदस्यता अभियान आजबाट प्रारम्भ भएको छ ।

दलगत राजनीति भन्दामाथि रहेर क्याम्पस विश्वविद्यालयमा विगत ३० वर्षदेखि राष्ट्रव्यापी रूपमा रचनात्मक कार्यगर्दै आइरहेको प्राज्ञिक विद्यार्थी परिषद्ले  बृहत् सदस्यता अभियान मंसिर १५ गतेदेखि सञ्चालन गरेकाे हाे ।

मंसिर १५ गतेदेखि सुरू भइ मंसिर ३० गतेसम्म सञ्चालन हुने बृहत् सदस्यता अभियानमा देशभरका क्याम्पस विश्वविद्यालयहरूमा अध्ययनरत विद्यार्थी, शिक्षक, प्राध्यापक र शुभचिन्तकहरूलाई विद्यार्थी परिषद्काे कार्यमा जाेडने उद्देश्यसहित बृहत् सदस्यता अभियान सञ्चालन गरिएको परिषद्ले जनाएको छ ।

परिषद्ले आज मंसिर १५ गतेदेखि सञ्चालन गरेको बृहत् सदस्यता अभियानमा विभिन्न क्याम्पसहरूका धेरै विद्यार्थीहरू सदस्यता लिन उत्साहित भएको र याे वर्ष बृहत् सदस्यता अभियानबाट ५० हजार भन्दाबढी नयाँ विद्यार्थीहरूलाई सदस्यता वितरण गर्ने लक्ष्य लिएको परिषद्का महासचिव विष्णुप्रसाद पंगेनीले जानकारी दिएका छन् ।

पूर्वकाे मेचिदेखि सुदुरपश्चिमसम्मका दर्जनौं क्याम्पसहरूमा अध्ययनरत विद्यार्थीहरूले नयाँ सदस्यता लिएका छन् । मंसिर १५ देखि सञ्चालन गरिएको बृहत् सदस्यता अभियान मंसिर ३० गतेसम्म सञ्चालन गरिने विद्यार्थी परिषद्ले जनाएको छ ।