दुई दिन भित्र कक्षा १२ को ग्रेडवृद्धि परीक्षाको नतिजा सार्वजनिक गर्ने तयारीमा बोर्ड

राष्ट्रिय परीक्षा बोर्ड कक्षा १२ को ग्रेडवृद्धि परीक्षाको नतिजा दुई दिन भित्र सार्वजनिक गर्ने तयारीमा जुटेको छ ।

बोर्ड उत्तरपुस्तिका परीक्षण, सम्परीक्षण लगायतका सम्पूर्ण प्रक्रिया सकेर नतिजा प्रकाशनका लागि बोर्ड तयारी अवस्थामा रहेको जनाएको छ ।

सम्पूर्ण प्रक्रिया सकिएको हुँदा प्राविधिक समस्या नआएमा भोलि साझसम्ममा नतिजा सार्वजनिक गर्ने बोर्डको उच्च स्रोतले जानकारी दियो ।

बोर्डका अनुसार नतिजा प्रकाशनका लागि बोर्ड बैठक बोलाइएको भए पनि बसिसकेको भने छैन । बोर्डले गत भदौ २५ र २६ मा लिइएको परीक्षामा एक लाख २७ हजार परीक्षार्थी सहभागी भएका छन् ।

गत साउन १८ गते सार्वजनिक गरिएको नतिजा अनुसार कुल चार लाख ९१ हजार ४९७ मध्ये नियमिततर्फ नियमितर्फ ३ लाख ९० हजार ८६८ नियमितर्फ ३ लाख ९० हजार ८६८ सहभागी थिए । सो परीक्षामा नियमित तर्फ २ लाख ३ हजार ८४७ विद्यार्थी उत्तीर्ण भएका थिए । सो परीक्षामा सहभागी मध्ये ५२.९१ प्रतिशत विद्यार्थी उत्तीर्ण (ग्रेडेड) मा पर्न सफल भएका थिए । एन जी ल्याउनेको संख्या १ लाख ८७ हजार २१ जना थिए । नन ग्रेडमा परेका मध्ये ६० हजार परीक्षार्थीले परीक्षा भने दिएका थिइनन् ।

कुल परीक्षार्थीको ४७.०९ प्रतिशत विद्यार्थी नन ग्रेडेड (एनजी–अनुत्तीर्ण) भएका थिए । नियमिततर्फ ३ लाख ९० हजार ८६८ विद्यार्थी मध्ये दुई लाख तीन हजार ८४७ विद्यार्थी पास भएका छन् । यसैगरी ग्रेड वृद्धितर्फ २०७८–७९ का २८।२६ प्रतिशत पास भएका छन् भने २०७६–०७७ का ६२.०५ प्रतिशत विद्यार्थी उत्तीर्ण भएका थिए ।