जया मल्टिपल कलेजमा कक्षा ११ को अभिमुखीकरण र क्यारियर काउन्सेलिङ कार्यक्रम सम्पन्न

काठमाडौं पूर्वी भेगको परिचित शैक्षिक क्षेत्रको धरोहर जया मल्टिपल क्याम्पसले शैक्षिक सत्र २०८० सालको कक्षा ११; स्वागत, अभिमुखिकरण तथा क्यारियर   काउन्सेलिङ कार्यक्रम सम्पन्न गरेको छ ।

जया मल्टिपल कलेजले शनिवार  ड्रिम हाउस व्याङ्क्वेटमा भव्य रुपमा अभिमुखिकरण तथा करियर काउन्सिलिङ कार्यक्रम सम्पन्न गरेको हो।

जया मल्टिपल क्याम्पसले  एस ई ई उत्तीर्ण विद्यार्थीलाई स्कुल तथा कलेजको बारेमा जानकारी साथै विद्यार्थीहरुलाई कलेजको नियम तथा विभिन्न विषयगत जानकारी प्रदान गर्न कार्यक्रमको विशेष आयोजना गरिएको कलेजका प्राचार्य भवानी प्रसाद पौडेलले  जानकारी दिनुभयो ।

ड्रिम हाउस व्याङ्क्वेटमा आयोजित  कार्यक्रममा  जया मल्टिपल  कलेजमा कक्षा ११ मा नँया भर्ना भएका विद्यार्थीहरुलाई अभिमुखीकरण र क्यारियर काउन्सेलिङ रुपमा मोटिभेसनल  रुपमा सोनुक भट्ट तथा सांगेति कार्यक्रमको रुपमा कुन्ति मोक्तान तथा लोक गायिका आशा विसीको विशेष उपस्थिति रहेको थियो ।

कलेजका प्राचार्य भवानी प्रसाद पौडेलको  अध्यक्षतामा भएको उक्त कार्यक्रममा प्रमुख अतिथिका रूपमा  काठमाडौं क्षेत्र नम्वर ३ का संघिय सांसद सन्तोष चालिसे  लगायत क्याम्पसका संस्थापक सदस्यहरु कलेजका विभागीय प्रमुख लगायत अध्यापकहरुको  तथा विद्यार्थीहरुको उपस्थिति रहेको थियो ।

कलेजका प्राचार्य पौडेले  विद्यार्थीको करियर निर्माणमा उत्प्रेरित गर्दै  नयाँ भर्ना भएका विद्यार्थीहरूलाई स्वागत गर्दै  विद्यार्थीहरूलाई कलेजका बारेमा जानकारी दिनुभएको थियो ।  उहाँले  अब्बल जनशक्ति उत्पादन गर्न जया कलेज  प्रतिवद्ध रहेको जानकारी गराउदै कलेजले विद्यार्थीलाई कितावी ज्ञान मात्र नभई  अतिरिक्त क्रियाकलापलाइ पनि प्राथमिकताकमा जोड दिने बताउनुभयो ।

जया मल्टिपल क्याम्पस काठमाडौैंको पूर्वी क्षेत्र गोकर्णेश्वर नगरपालिका ०८ माकलबारिमा रहेको छ । जया मल्टिपल कलेजले २०६१ सालबाट निरन्तर रूपमा काठमाडौंको पूर्वी भेगमा परिचय बनाउदै गुणस्तरीय शिक्षा प्रदान गर्दै आएको शैक्षिक संस्था हो । यस क्याम्पसले आफूलाई पूर्वी भेगमा परिचित बनाउदै, उच्च शिक्षा प्रदान गर्दै आएको छ ।

हाल जया मल्टिपल क्याम्पसले मास्टर डिग्रीमा एमबीएस , स्नातक तहमा बीबीएस्, बीए, बीएसडब्लू, बीसीए, बीबीएम लगायतका कक्षा १२, ११ मा विज्ञान, व्यवस्थापन, मानविकी र कानुन संकाय सञ्चालनमा गर्दै आएको छ ।  साथै कलेजले स्नातक तहमा बीसीए, बीबीएम, बीबीएस्, बीए,बीएसडब्लू, लगायतमा  कार्यक्रममा राम्रो नतिजा दिदै आएको छ ।  उहाँले शैक्षिक सत्र २०८० मा   कक्षा ११ मा भर्ना हुन पनि आग्रह गर्नुभयो ।

उत्कृष्ठ तथा गुणस्तरीय शिक्षाको लागि जया मल्टिपल कलेज  शैक्षिक केन्द्र तथा सही गन्तव्य भएकाले गुणस्तरीय शिक्षा हासिल गर्न कलेजमा जोडिन  प्रशासन प्रमुख रुपक पौडेलले आग्रह गर्नुभएको छ ।