शैक्षिक सुधारका निम्ति राष्ट्रिय शैक्षिक अभियान सञ्चालन गर्दै विद्यार्थी परिषद्

साउन ७, पाेखरा ।  प्राज्ञिक विद्यार्थी परिषद्ले देशकाे शैक्षिक अवस्थामा सुधार ल्याउने याेजनाका साथ बृहत् राष्ट्रिय शैक्षिक अभियान सञ्चालन गर्ने भएको छ ।

साउन ५ र ६ गते विद्यार्थी परिषद्काे पाेखरामा सम्पन्न राष्ट्रिय परिषदबाट विश्वविद्यालयकाे शैक्षिक सुधारका निम्ति राष्ट्रव्यापी रूपमा राष्ट्रिय शैक्षिक अभियान सञ्चालन गर्ने निर्णय गरेकाे हाे । परिषद्ले परीक्षा, परिणाम, शैक्षिक वातावरण, शिक्षामा दलीय राजनीतिका हस्तक्षेपकाे अत्यन्त, पाठ्यक्रममा सुधार जस्ता विषयहरूलाई लिएर  परिषद्का  राष्ट्रिय महासचिव विष्णुप्रसाद पंगेनीले  शैक्षिक अभियान गर्ने घाेेेषणा गरेका थिए ।

साथै राष्ट्रिय परिषदबाट  साउन १५ बाट राष्ट्रिय सदस्यता अभियान सञ्चालन गर्ने, भदौ दाेश्राे साता राष्ट्रिय प्रशिक्षक प्रशिक्षण कार्यक्रम सञ्चालन गर्ने, राष्ट्रिय विचार वर्ग गर्ने, एक दिवसीय अभ्यास वर्ग सञ्चालन जस्ता महत्त्वपूर्ण राष्ट्रियस्तरकाे कार्यक्रमहरू सञ्चालन गर्ने निर्णय गरेकाे छ । परिषद्ले राष्ट्रिय परिषदमा एक दिवसीय अभ्यास वर्ग, सदस्यता अभियान, जिल्ला आवसीय अभ्यास वर्ग,  छात्रा कार्य, जनजाति विद्यार्थी कार्य, कार्यालय काेष वार्षिक आय व्याय विवरण एवम् लेखापरीक्षण, राष्ट्र व्यापी शैक्षिक अभियान, शिक्षा कार्यशाला, शिक्षक संवाद, आयाम गतिविधिहरू निरामय, संकल्प, केन्द्रीय कार्यकारिणी समिति बैठक, सेवा कार्य,  द्वैमासिक छात्र विचार पत्रिका, केन्द्रीय प्रवास याेजना जस्ता विषयहरूमा

परिषद्ले शैक्षिक अभियानका लागि एक विशेष टाेलिकाे पनि निर्माण गरेकाे छ ।

पाेखरामा सम्पन्न राष्ट्रिय परिषदमा देशभरबाट ३० जना भन्दाबढी राष्ट्रिय परिषद्का पदाधिकारी र सदस्यहरूकाे महत्त्वपूर्ण उपस्थिति र सहभागीता रहेकाे परिषद्ले जानकारी दिएको छ । राष्ट्रिय परिषदमा  परिषद्का राष्ट्रिय अध्यक्ष डा. गोपीनाथ कण्डेल, राष्ट्रिय महासचिव विष्णु प्रसाद पंगेनी, राष्ट्रिय संगठन सचिव श्री नारायण प्रसाद ढकाल, राष्ट्रिय सह संगठन सचिव रमेश कण्डेल, राष्ट्रिय उपाध्यक्ष डा. दयाराम भूषाल  लगायत परिषदका पदाधिकारीहरूको सहभागीता रहेको थियोे ।