काभ्रेका मतदान केन्द्रमा पाँच मुलुकका पर्यवेक्षकले गरे अनुगमन

काभ्रेका दुई वटा मतदान केन्द्रमा पाँच मुलुकका पर्यवेक्षकले अनुगमन गरेका छन् । काभ्रेको बनेपा नगरपालिका वडा नं १० को वडा कार्यालयको मतदान केन्द्र र धुलिखेल नगरपालिका वडा नं ७ स्थित सञ्जिवनी नमूनामा उमावि मतदान केन्द्रमा पुगेर मतदान प्रक्रियाकोबारे बुझेको जिल्ला निर्वाचन कार्यालय काभ्रेले जनाएको छ ।                                                                                 काभ्रेको मतदान स्थिती र प्रक्रियाको बारेमा पाँच राष्ट्रका पर्यवेक्षकलाई जिल्ला निर्वाचन कार्यालयका प्रमुख उमेश राईले बुझाएका थिए । निर्वाचन आयोगको निमन्त्रणमा नेपाल आएका भारत, बंगलादेश, माल्दिभ्स, दक्षिण कोरिया र भुटानका पर्वेक्षकले देशका विभिन्न स्थानका मतदान केन्द्रको अनुगमन गरिरहेका छन् ।