काठमाडौं /१४
असोज-नेपाल शिक्षक महासंघले पाँचौ चरणको आन्दोलन अन्र्तगतका सबै सडक आन्दोलनका कार्यक्रमहरु स्थगित गरेको छ । असोज १४ गतेबाट दशै तिहार छठ् लगायतका चाडहरुको अवधिसम्म तोकिएको सबै सडक आन्दोलनका कार्यक्रम स्थगित गरेको हो ।
बुधबार एक विज्ञप्ति जारी गर्दे विद्यालयहरुमा विद्यार्थीका परीक्षाका कार्यक्रमहरु सञ्चालन भइरहेका तथा महान चाडहरुको आगमनको परीस्थितिले सडक आन्दोलन गर्ने सहि समय नभएको त्यस्ता कार्यक्रम हाल सञ्चालन नगर्न विभिन्न शैक्षिक सरोकार समुहहरुबाट आएको अनुरोधलाई दृष्टिगत गरी हाललाई स्थगित गरेको जनाएको छ ।
साथै २०७४ कार्तिक २८ गतेबाट देश भरिका सबै शिक्षक–कर्मचारीको उपस्थिति तथा सहभागितमा हुने निर्णायक सडक आन्दोलनको कार्यक्रम यथावत रहेको जनाएको छ । महासंघले आन्दोलनलाई सफल र परिणाममुखी बनाउन स्थानिय तह देखि केन्द्रसम्मका सबै सांगठनिक संरचना तथा आम शिक्षक–कर्मचारीलाई अपील गरेको छ ।
आ.व.२०७८/०७९ को वजेटमार्फत् सिर्जित विभेद, विद्यालय कर्मचारी र बालकक्षाका शिक्षकको तोकिएको तलव प्राप्ति बिषयमा दबाब र पक्षीकरणको कार्य यथावत चलिरहने जनाएको छ । त्यस्तै महासंघको अधिवेसनका कार्यक्रमलाई सक्रियताका साथ अघि बढाउन सबैलाई अनुरोध गरेको छ ।
प्रतिकृया दिनुहोस्