क्षेत्र नं ४ टाेलटाेलमा निःशुल्क डेँगु परीक्षण शिविर संचालन हुँदै

काठमाडाैँ । गगन थापा सांसद कार्यालयकाे  अगुवाईमा काठमाडौं क्षेत्र नं ४ नियमित निःशुल्क डेंगु परीक्षण शिविर संचालन गर्न भएकाे छ । थापा संसद कार्यालयकाे अगुवाइमा हाल महानगरपटिकाे चारवटा वडामा महानगरपालिका वडा नं ३० मा रहेकाे शहरी स्वास्थ्य प्रवद्र्धन केन्द्रमा डेंगुको परीक्षण गर्न आउनेलाई निःशुल्क सेवा दिँदै आइरहेकाे छ । याे सेवालाइ  बुढानिलकण्ठपटिका ८ वटा वडामा पनि विस्तार गर्ने क्रममा निःशुल्क परीक्षण शिविर नै राख्ने तयारी भएकाे थापा सांसद कार्यालयले बतायाे  ।  नेता थापाले शुक्रबार साँझ एक भिडियाे सार्वजनिक गर्दै टाेलटाेलमा निशुल्क सेवा पुर्याउने साथै डेँगु भएर बसेकालाइ निःशुल्क परामर्श दिने बताएका छन्  । टाेलटाेलमा निःशुल्क डेँगु परीक्षणकाे सुरूवात चाबहिलबाट गरिने सांसद कार्यालयले जनाएकाे छ । शनिवार चावहिल गणेस्थानमा बिहान ९ बजेबाट परीक्षण शुरू हुनेछ ।

बुढानिलकण्ठमा शहरी स्वास्थ्य प्रवर्धन केन्द्र रहे पनि संचालनमा नआइसकेकाे हुदा निजी क्षेत्रमा शिविरहरू संचालन गर्न लागिएकाे हाे । हरेक वडामा पालैपिच्छे शिविर संचालन गरेर क्षेत्रवासीकाे दैलाेमै सेवा उपलब्ध गराउन प्रयासस्वरूप याे कार्यक्रम ल्याइएकाे सांसद कार्यालयले बताएकाे छ । काठमाडौंमा दैनिक रुपमा फैलिरहेको डेंगुको परीक्षण घरटाेलमै निशुल्करूपले पाउने कुराले नागरीकले सहजता अनुभव गर्नसक्ने देखिन्छ ।

सांसद गगन थापाकाे सक्रियता कामनपा ३० र वुनपा १० मा शहरी स्वास्थ्य प्रबर्धन केन्द्र बन्ने क्रममा काठमाडौंको ज्ञानेश्वर ओरालो छेउमा शहरी स्वास्थ्य प्रवद्र्धन केन्द्र सञ्चालनमा आइसकेकाे छ भने बुढानिलकण्ठमा बुढानिलकण्ठ नगर अस्पतालकाे नामले बनिरहेकाे छ । डेँगुकाे निःशुल्क परीक्षण शहरी स्वास्थ्य प्रबर्धन केन्द्रकाे अवधारणाअन्तर्गतकाे कार्यक्रम हाे ।  सांसद कार्यालयले काेराेनामा पनि यसैगरी सक्रियरूपमा निशुल्क शिविरहरू राखेकाे थियाे ।