गगन थापा जिताउन क्षेत्रदेखि इकाइसम्मका भातृ संगठनहरू सक्रिय

सांसद तथा नेपाली काँग्रेसका महामन्त्री गगन थापाकाे चुनावी क्षेत्रमा भातृ संगठनहरू व्यापकरूपमा क्रियाशील भएका छन् । चुनावकाे मिति नजिकिँदै गर्दा पार्टीका भातृ संगठनहरूकाे सक्रियता पनि बढेकाे हाे । तरूण दल, नेपाल महिला संघ, ट्रेड युनियन काँग्रेस, लाेकतान्त्रिक खेलकुद संघदेखि नेविसंघसम्मका भातृ संगठनहरू काठमाडाैँ क्षेत्र नं ४ मा सक्रिय क्रियाशील भएका छन् ।

सामाजिक सक्रियतादेखि आन्तरिक संगठनविस्तारमासमेत लागेका भातृ संगठनहरू आपसी अन्तर्क्रियामा व्यस्त देखिएकाे छन् । क्षेत्र नं ४ अन्तर्गत वुनपा १२  तरूण दलले नयाँ नेतृत्व चयनसँगै अन्तर्क्रिया कार्यक्रम सम्पन्न गरेकाे छ । पार्टी महामन्त्री तथा सांसद गगन थापा प्रमुख अतिथि रहेकेा कार्यक्रममा ५ दर्जन तरूणहरूकाे उपस्थिति थियाे । उपस्थित सहभागिहरूले आसन्न चुनावमा सक्रिय सहाभागिताकाे विषयदेखि विकास निर्माणमा भएका काम र त्यसकाे प्रचारप्रसारका बारेमा सांसद थापासँग अन्तर्क्रिया गरेका थिए ।

अन्तर्क्रिया कार्यक्रममा महामन्त्री थापासँगै वाग्मती प्रदेश नेका महामन्त्री राजु श्रेष्ठ, महाधिवेशन प्रतिनिधि तथा नेता श्रीराम लामिछाने, लाेकतान्त्रिक खेलकुद संघ केन्द्रिय सदस्य राजुविक्रम थापालगायतकाे उपस्थिति रहेकेा थियाे । अन्तर्क्रिया कार्यक्रमपूर्व बुनपा १२ तरूण दलले नयाँ कार्य समिति चयन गरेकाे थियाे । तरूण दल वुनपा १२ कार्यसमितिकाे अध्यक्षमा सुवास धमला चयन भएका छन् ।