त्रिदिवसिय अन्तर्राष्ट्रिय गाेष्ठी सम्पन्न, नेपाल, भारत र चीनबीच त्रिपक्षीय सहकार्य आवश्यक : प्रचण्ड

भदौ १३, काठमाडौँ । नीति अनुसन्धान प्रतिष्ठान नेपालद्वारा आयोजना गरिएको अन्तर्राष्ट्रिय सम्बन्ध : नेपाल र विश्व व्यवस्था विषयक अन्तर्राष्ट्रिय गाेष्ठी सम्पन्न भएको छ ।

यही भदौ १० गते सम्माननिय प्रधानमन्त्री शेरबहादुर देउवाद्वारा बालुवाटारकाे एलिस रिसेप्सनमा ओैपचारिक उद्घाटन भएको अन्तर्राष्ट्रिय गाेष्ठी तीन दिन सम्म संचालन भई तिलगंगाकाे नेपाल भारत मैत्री पशुपति धर्मशालामा पुर्व प्रधानमन्त्री एवम् नेकपा माओवादी केन्द्रका अध्यक्ष पुष्प कमल दाहाल प्रचण्डजीकाे विशेष उपस्थितिमा समापन भएको थियोे ।

समापनमा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहालले नेपाल, भारत र चीनको विकास गर्न त्रिपक्षीय अवधारणा निर्माण गरेर अघि बढे यो क्षेत्र र विश्वमै दूरगामी परिणामहरु आउने बताएका थिए । राष्ट्रिय तथा अन्तर्राष्ट्रिय विषयमाथि अध्ययन र अनुसन्धान गर्ने संस्था नीति अनुसन्धान प्रतिष्ठान, नेपाल संस्थाद्ववारा आयोजित तीन दिने अन्तर्राष्ट्रिय गोष्ठीको समापन कार्यक्रममा दाहालले भने,‘एक दशकअघि मैले नेपाल, भारत र चीनबीच शान्ति, विकास र सहकार्यको त्रिपक्षीय अवधारणाका लागि प्रस्ताव राखेको थिएँ । नेपाल, भारत र चीनबीच ‘बफर’ क्षेत्र नभई बरु दुई मुलुक बीचको ‘भाइब्रेन्ट ब्रिज’बन्न सक्छ ।’ दाहालले नेपाललाई उनीहरु (भारत र चीन) को मुख्य चासो थाहा भएको पनि बताए । ‘र, हामी सबै उनीहरुको चासोमा ध्यान दिन्छौं र सोहीअनुसार सम्बोधन पनि गर्छौं,’ उनले भने ।

यस्तै, उपसभामुख पुष्पा भुसालले नेपालले पञ्चशीलको आधारमा आफ्नो विदेशनीति सञ्चालन गरेको उल्लेख गर्दै नेपालीहरु शान्तिप्रिय रहेको बताइन् । उनले नेपालले विश्व शान्तिका लागि संयुक्त राष्ट्र संघअन्तर्गत रहेर शान्ति स्थापना गरिरहेको पनि बताइन् ।

अन्तर्राष्ट्रिय गाेष्ठीमा अलग अलग १० वटा सत्रमा २६ जना सहभागी युवाहरूले खाेज अध्ययन र अनुसन्धान गरेकाे अलग अलग १० वटा विषयहरूकाे बारेमा शाेधपत्र प्रस्तुत गरेका थिए ।
गाेष्ठीमा पर्यावरण , संस्कृति , विश्व राजनीति , आर्थिक विकास, प्रविधिकाे , नेपाल भारत युवा संवाद , अन्तर्राष्ट्रिय सम्बन्ध लगायत विषयहरूमा बृहत रूपमा अन्तरक्रिया र छलफल भएको गाेष्ठीमा सिनासका डाइरेक्टर म्रिगेन्द्र कार्की, राजनीतिक विशेषज्ञ डा राम थपलिया , परराष्ट्र मामिलाका उप कार्यकारी निर्देशक राजेन्द्र पाण्डे, ऋषिहुड विश्वविद्यालयका मुख्य कार्यकारी निर्देशक शाहिल अग्रबाल, नेपाली काङ्ग्रेसका नेतृ डा.आर्जु राणा देउवा , नीति अनुसन्धानका निर्देशक डा दीपककुमार अधिकारी लगायत व्यक्तिहरूले विषय विज्ञकाे रूपमा सत्रकाे अध्यक्षता गरेकाे कार्यक्रम सह संयाेजक डा. अभिषेक श्रीवास्तवले बताएका थिए ।

‘अन्तर्राष्ट्रिय सम्बन्ध: नेपाल र विश्व व्यवस्था’ विषयक कार्यक्रममा नेपाल र भारतका २६ जनाले शोधपत्र प्रस्तुत गरेका थिए । काठमाडौंमा भएको तिलगंगामा संचालन भएको कार्यक्रममा नेपालबाट ११ र भारतबाट १५ जनाले नेपाल–भारत सम्बन्ध र अन्तर्राष्ट्रिय परिवेशलगायत विभिन्न ११ वटा महत्त्वपूर्ण विषयमा शोधपत्र प्रस्तुत गरेका थिए ।