बुढानिलकण्ठ नगरपालिकामा स्कुल फाउन्डेसनको तिन दिने “थिंक पोजिटिभ ग्लोबल क्याम्पेन”

असार ११, काठमाडौं । बुढानिलकण्ठ नगरपालिकामा स्कुल फाउन्डेसनको थिंक पोजिटिभ ग्लोबल क्याम्पेन सुरु भएको छ।असार १०,११ र १२ गते बुढानिलकण्ठ नगरपालिकाका तिन स्थानमा हुने सो अभियानमा विभिन्न विषयहरुमा प्रस्तुतीकरण दिइने छ।

सभ्य सृजना प्रा.लि.को प्रस्तुति र स्कुल फाउण्डेशनको आयोजना रहेको ` थिङ्क पोजेटिभ ग्लोवल क्याम्पियन´ नेपाल सरकार, महिला बालबालिका तथा जेष्ठ नागरिक मन्त्रालयको सहयोग र बुढानिलकण्ठ नगरपालिकाकाे सहकार्यमा यही असार १०, ११ र १२ गते   काठमाडौं  जिल्लाको बुढानीलकण्ठ नगरपालिका भित्रका ३ स्थानमा सञ्चालन गर्ने क्रममा पहिलो दिनको कार्यक्रम वडा नं १० मा सम्पन्न भएको थियो।

नेपालीहरुमा  रहेका  गिरवी , अशिक्षा, पछौटेपन, बसाईँसराईँ, बेरोजगारी, विदेशिनु जस्ता विधमान समस्याहरुले युवाहरुमा नकरात्मक सोच, हीन भावना, देखासिकी, सामाजिक सञ्जाल र सञ्चार माध्यमहरुको दुरुपयोग जस्ता विविध समस्याहरु वढ्दै जाँदा  कुलतमा लाग्ने प्रक्रिया  तीव्र रूपमा वढ्दै गएको अवस्थामा  Drug, HIV प्रभावित र प्रभावोन्मुख क्षेत्रहरुमा  स्कुल फाउण्डेशनले सोही विषयमा वनाइएको चलचित्र  सिग्नेचर प्रदर्शन, मनोपरामर्श, जनजागरण र उत्प्रेरणा जस्ता कार्यक्रमहरु प्रस्तुत गरिएको दोश्रो दिनमा बुढानिलकण्ठ नगरपालिकाका जनप्रतिनिधिहरु तथा संघ संस्थाका प्रतिनिधिहरुको सहभागिता रहेको थियो।