प्लस टु शिक्षा नेपालमै उत्कृष्ट, निजी स्कुल कलेजकाे भूमिका महत्त्वपूर्ण

असार ९, काठमाडौं । कक्षा ११ र १२ तहमा नेपालमै उत्कृष्ट शिक्षा उपलब्ध भएकाले राम्रो पढ्ने नाममा विदेशमा धाउनु नपर्ने शिक्षाविद् र सरोकार भएकाले जनाएका छन् । उच्च शिक्षालय तथा विद्यालय सङ्घ (हिसान) को काठमाडौँ समिति र कलेज रिडर्र पत्रिकाले आज आयोजना गरेको ‘प्लस टु शिक्षा : अवसर र चुनौती’ विषय बहस कार्यक्रम तथा भर्चुअल शैक्षिक मेलाका अवसरमा राष्ट्रिय परीक्षा बोर्डका अध्यक्ष डा.महाश्रम शर्माले विद्यालय तहको पाठ्यक्रम र परीक्षा पद्धतिमा आमूल परिवर्तन गर्न लागिएकाले नेपालमै गुणस्तरीय शिक्षा सम्भव रहेको बताए ।

उनले कक्षा ८, १० र १२ को बोर्ड परीक्षा गर्न प्रश्न बैंक निर्माण र शिक्षकलाई तालिमका लागि स्थानीय सरकारकाे शिक्षा शाख सँग समन्वय गरि कार्ययोजना तयार गरिएको जानकारी दिए । हिसानका अध्यक्ष रमेशकुमार सिलवालले कक्षा ११ र १२ को शिक्षा तुलनात्मकरुपमा गुणस्तरीय, सुलभ र विश्वसनीय भएको जनाउँदै विदेशमा पुँजी पलायन गराउनुभन्दा स्वदेशमै पढाउन अभिभावकलाई आग्रह गरे । साथै उनले निजि क्षेत्रले शिक्षा क्षेत्रमा उत्कृष्ट भूमिका खेलेकाे र सरकारले यसलाई बेवास्ता गर्न नहुने बताउनु भयाे ।

शिक्षाविद् डा विद्यानाथ कोइरालाले विद्यार्थीलाई जीवनोपयोगी र व्यावहारिक शिक्षा दिनुपर्ने र यसका लागि शिक्षकलाई तयारी गर्नुपर्नेमा जोड दिए । साथै उनलेे हाम्रो शिक्षक र विद्यार्थीकाे दुरी अभिभावक र विद्यार्थी विचकाे दुरी बढदै गएकाे र विस्तारै सामुहिक भन्दा पनि विद्यार्थीहरू एक्लिदै गएकाेले यश विषयमा पनि चिन्तन गरि उनिहरूकाे चाँहाना अनुसारकाे र रेडिमेट उत्तर भन्दा पनि उसैलाई खाेज्न दिएर सृर्जनात्मक बनाउनु पर्ने कुरा बताउनु भयो । त्यसैगरी प्याब्सनका उपाध्यक्ष कृष्ण अधिकारी र ऐन प्याब्सनका सहअध्यक्ष सुवास न्यौपानेले गुणस्तरीय शिक्षाका लागि निजी विद्यालयको योगदानलाई राज्यले कदर गर्नुपर्ने कुरा बताउनु भयो ।

नेपाल अभिभावक महासङ्घका अध्यक्ष सुप्रभात भण्डारीले आर्थिकरूपमा सक्षम र विपन्न सबै अभिभावकलाई सहज हुनेगरी आधुनिक प्रविधिलाई समेटेर शिक्षा दिइए विद्यार्थी विदेशमा जान आवश्यक नपर्ने बताए