सगरमाथकाे काखबाट प्राज्ञिककाे अभ्यास वर्ग प्रारम्भ

जेठ २८, साेलुखुम्बु । कृष्ण हुमागाई , प्राज्ञिक विद्यार्थी परिषद् नेपालकाे यश बर्षकाे अभ्यास वर्ग-२०७९ सगरमाथामा अवस्थित साेलुखुम्बु जिल्लाबाट प्रारम्भ भएको छ।

विद्यार्थी परिषद्ले आफ्नाे नगर कार्यसमितिहरूकाे पुनर्गठन गर्ने उदेश्यका साथ संचालन गर्ने एकदिवसीय अभ्यास वर्ग  विश्वकाे सर्वोच्च शिखर सगरमाथाकाे फेदिमा रहेकाे साेलुखुम्बु जिल्लाकाे साेलुखुम्बु बहुमुखी क्याम्पसबाट सुरू भएको हाे ।

विद्यार्थी परिषद् सगरमाथा प्रदेशले साेलुखुम्बु जिल्लाकाे साेलुदुधकुण्ड नगर इकाईकाे एक दिवसीय अभ्यास वर्ग संचालन गरी नगर अध्यक्ष कान्छि फुटी शेर्पा र नगर सचिव पार्वता राईकाे नेतृत्वमा १५ सदस्यीय नगर कार्यसमिति गठन गरेकाे विद्यार्थी परिषद् सगरमाथा प्रदेश सचिव विबस कटवालजिले जानकारी दिनु भएको छ ।

विद्यार्थी परिषद्ले समाजका युवाहरूलाई सकारात्मक सन्देश दिने उदेश्यले सगरमाथकाे काखबाट सुरू गरेकाे अभ्यास वर्ग ऐतिहासिक र अत्यन्तै महत्त्वपूर्ण रहेकाे र यसले देशका सम्पुर्ण कलेज तथा विश्वविद्यालयमा अध्ययन गर्ने युवा विद्यार्थीहरूलाई परिषदमा जाेडने शुभ संकेत दिएको  र यश बर्षकाे अभ्यास वर्ग सबै जिल्लामा संचालन गर्न संगठनलाई थप उर्जा मिलेकाे परिषद्का राष्ट्रिय संगठन सचिव नारायण प्रसाद ढकालले वताउनु भएको छ ।

प्राज्ञिक विद्यार्थी परिषद् विगत २७ बर्षदेखि निरन्तर शिक्षा क्षेत्रमा एक स्वतन्त्र विद्यार्थी संगठनकाे रूपमा रचनात्मक कार्यक्रमहरू संचालन गर्दै आईरहेकाे छ ।