रुपन्देहीमा कार्यरत अमिन टेक बहादुर रायमाझी रु. ३०,०००/- घुस रकमसहित नियन्त्रणमा

नापी कार्यालय, भैरहवा, रुपन्देहीमा कार्यरत अमिन टेक बहादुर रायमाझी रु. ३०,०००/- घुस रकमसहित नियन्त्रणमा मा आएका छन् ।

नापी कार्यालय, भैरहवा, रुपन्देहीमा कार्यरत अमिन टेक बहादुर रायमाझीले जग्गाको हालसाविक गर्ने प्रयोजनार्थ सेवाग्राहीसँग घुस/रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगले उनलाई घुँस सहित प्रक्राउ  गरेकाे हाे । अख्तियार दुरुपयोग  अनुसन्धानकाे कार्यालयबाट खटिई गएको टोलीले निज अमिन टेक बहादुर रायमाझीलाई सेवाग्राहीबाट रु.३०,०००।–(तीस हजार रुपैयाँ) घुस/रिसवत लिइसकेको अवस्थामा उक्त रकमसहित जिल्ला रुपन्देही, सिद्धार्थनगर नगरपालिका वडा नं. ५ मा रहेको ३ नं. नापी कार्यालयको क्वाटरबाट  नियन्त्रणमा लिएर थप अनुसन्धान  अनुसन्धान भइरहेको अख्तियार दुरुपयोग अनुसन्धान आयोगले एक विज्ञप्ति सार्वजनिक गरेर जानकारी दिएको छ ।