बुढानिलकण्ठ-१० मा नवराज भट्टराईको टिमलाई वडावासीको साथ

बुढानिलकण्ठ नगरपालिका वडा नं १० मा नेकपा एमालेका उम्मेदवारहरुको पक्षमा  समर्थन देखिएको छ।

नेकपा एमालेका तर्फ बाट नगर प्रमुख पदका उम्मेदवार मिठाराम अधिकारी ,उपप्रमुख पदका उम्मेदवार अनिता लामा सहितको घरदैलो कार्यक्रममा  बुढानिलकण्ठ -१० का स्थानीयहरुको निकै उत्साहपूर्ण सहभागिता रहेको थियो।

नेकपा एमालेका स्थायी कमिटी कमिटी सदस्य डा. राजन भट्टराई , बागमती प्रदेस कमिटी सदस्य तथा निर्वाचन परिचालन कमिटीका संयोजक उद्दव खरेल सहितको र्यालीलाई स्थानीयहरुले न्यानो स्वागत गरेका थिए।

वडा अध्यक्ष पदका उम्मेदवार नवाराज भट्टराई ,खुल्ला सदस्य पदका उम्मेदवार चन्द्रमान श्रेष्ठ र देवी रेग्मी ,महिला सदस्य पदका उम्मेदवार रिता दाहाल ,दलित महिला सदस्य पदका उम्मेदवार दिल  कुमारी बिक सहितको टिमले वडा नं १० का विभिन्न स्थानमा घर दैलो गरेको थियो।

विगत ५ वर्षको कार्यकालमा गरेका कामहरुको विवरण सहित जनताको माझमा पुगेका वडा अध्यक्ष पदका उम्मेदवार ३७ वर्षीय नवराज भट्टराई दोश्रो कार्यकालका लागि जनाताको माझमा पुग्दा उनको साथमा निर्वाचन परिचालन कमिटीका सह संयोजक लक्ष्मी संग्रौला, जिल्ला कमिटी सदस्य विदुर विक्रम खड्का , जिल्ला कमिटी सदस्य राजन पोखरेल ,मधु अधिकारी ,सुशिला सिलवाल ,निवर्तमान नगर उपप्रमुख रमा देवी राई सहित नेता तथा कार्यकर्ताहरुको बाक्लो उपस्थिति रहेको थियो।