पाँचवर्षे कार्य प्रगतिकाे झुटाे विवरण बनाएर घरदैलाे गर्दै शम्भु भट्टराई

पाँचवर्षमा केही उल्लेख्य काम गर्न नसकेकाे भनेर आलाेचित भएका वडाध्यक्षमा बुढानिलकण्ठ १२ का शम्भु भट्टराई संभवतः एक नम्बरमा पर्छन्। नगरपालिकामा सुशासन समितिकाे संयाेजक रहेर कर्मचारीलाई यताउता पठाउने चलखेलमा समय बिताएका भट्टराइले पाँचवर्षमा आफूले गरेकेा कार्यहरुकाे प्रगति विवरण सार्वजनिक गरेका छन् । उनले सार्वजनिक गरेर घर दैलाेमा हिँडिरहेकाे प्रतिवेदन झुटकाे पुलिन्दा झैँ देखिएकाे छ ।

वडा संचालनमा विसंगतिदेखि पार्टीभित्र परिवारवादकाे आराेपित भट्टराइकाे बहुबिबाह काण्ड पनि याे बेला चर्चामा छ । बहुबिबाहको काण्ड सेलाउन नपाउँदै उनले गरेका अर्को काण्डको रुपमा बुलेटिन छपाईमा गंभीर त्रुटी गरेको भेटिएको हो । भट्टराइकाे कार्यप्रगति विवरणमा प्रदेश सरकारकाे बजेटमा बनेकाे बालकुमारी आधारभूत विद्यालयका भवनलाई नगरपालिकाकाे बजेटमार्फत बनेकाे भनेर उल्लेख गरेका छन् । त्यसैगरी खर्च विवरणका विभिन्न शिर्षकालाई सबै हजार र सयमा मात्र सिमति राखेको छ ।

ती खर्च गरेकाे शीर्षकमध्ये एक मिडिया एक्सप्रेसका लागि ३०० खर्च देखाइएकाे छ । यसकाे अर्थ हुन्छ मिडियाका लागि ३ लाख गरिएकाे भनेर । त्यस्तै अपाङ्ग मैत्री स्वरोजगार कार्यक्रम २५० मा गरेको भनिएको छ याे भनेकेा के हाे ?

उनले खर्च विवरणमा विभिन्न शिर्षकामा भएगरेका खर्च विवरण राखेका छन् । तर, त्यो सबै हजार र सयमा मात्र सिमति राखेको छ । त्यति बजेटमा केही पनि हुने देखिदैन । उदाहरणको लागि जस्तो कि वडाभित्र रहेका विकास निर्माण लगायतका बिभिन्न कार्यक्रमको मिडिया एक्सप्रेसका लागि ३०० खर्च देखाएका छन् । त्यति रकम भनेकाे के हाे वा कसरी खर्च भयाे भन्ने विषयले गम्भिरता निम्त्याउन सक्ने देखिन्छ । । त्यस्तै अपाङ्ग मैत्री स्वरोजगार कार्यक्रम २५० मा गरेको भनिएको छ । याे शीर्षकमा गरिएकाे २ लाख पचास हजार खर्चले पनि ठूलाे शंका उत्पन्न गर्न सक्छ ।

अर्काे एक शीर्षक छ,  जनतासँग जनप्रतिनिधि कार्यक्रम  । याे शीर्षकमा  ४०० खर्च भएकाे भनिएकाे छ ।  याे पनि अर्काे शंकायूक्त तथा प्रश्नवाचक प्रशंग हाे । यस्ता  विभिन्न शिर्षकमा विभिन्न खालको अपार्दशी खर्चकाे प्रतिवेदन बनाएर शम्भु भट्टराइ घरदैलाे गरिरहँदा जनताले भने प्रश्न गरिरहेका छन् । याे  प्रतिवेदनलाइ छपाईकाे गल्ती भनेर भन्न सकिने अबस्था भने छैन ।