बागमती प्रदेशका सांसद विजय सुवेदीद्धारा राजीनामा

चितवन ०८ बैशाख । एमाले नेता तथा बागमती प्रदेशका सांसद विजय सुवेदीले विहीबार पदबाट राजीनामा दिएका छन् ।

एमालेबाट भरतपुर महानगरपालिकाको मेयरमा सर्वसम्मत सिफारिस भएका सुवेदीले प्रदेश सांसदबाट राजीनामा दिएका हुन । सुबेदीले सभामुख सानुकुमार श्रेष्ठ समक्ष राजीनामा पत्र बुझाएका हुन् ।

चितवनको क्षेत्र नम्बर २ को (ख) बाट प्रदेशसभा सदस्यमा निर्वाचित सुवेदी ४ वर्ष तीन महिना एक दिन बागमती प्रदेशसभा सदस्यको रुपमा रहेका थिए । उनले ४९ दिन बागमती प्रदेशको सामाजिक विकास मन्त्रीको समेत जिम्मेवारी सम्हालेका थिए ।