विद्यार्थी परिषद् त्रिभुवन विश्वविद्यालयद्वारा छात्राहरूलाई व्यक्तित्व विकास तालिम संचालन

चैत २८, काठमाडौं । प्राज्ञिक विद्यार्थी परिषद्, नेपाल त्रिभुवन विश्वविद्यालय इकाईले छात्राहरूलाई व्यक्तित्व विकास तालिम सम्पन्न गरेकाे छ ।

  शनिबार र आइतबार विश्वविद्यालयमा अध्ययनरत छात्राहरूकाे नेतृत्व विकासका लागि  प्राज्ञिक  विद्यार्थी  परिषद् विश्वविद्यालय इकाई समितिकाे आयोजनामा  जीवन उपयोगी सिपमा आधारित दुई दिवसिय  व्यक्तित्व  विकास तालिम संचालन गरेकाे हाे ।

उद्घाटनमा परीक्षा नियन्त्रण कार्यालयका परीक्षा नियन्त्रक पुष्पराज जाेसीलाई प्रमुख अतिथिकाे रूपमा उपस्थित गराई सुरू भएको दुई दिवसिय व्यक्तित्व विकास तालिममा विविध विषयहरू आत्म जागरण,अनुभुती, समालाेचनात्मक साेचाई,  सिर्जनात्मक साेचाई, समस्या समाधान गर्ने क्षमता,संवेग र तनावलाई नियन्त्रण गर्ने क्षमता, निर्णय लिने क्षमता, दृष्टिकोण,अनामिकता, संस्कृति र राष्ट्रियता लगायतका हरेक व्यक्तिलाई जिवनमा अति आवस्यक पर्ने सीपहरूकाे महत्त्वपूर्ण विषय बस्तुहरूमा केन्द्रित रहेर उदाहरण सहित विभिन्न खेलहरकाे माध्यमबाट तालिम प्रदान गरिएकाे थियोे ।

कार्यक्रममा प्रशिक्षककाे रूपमा परिषद्का राष्ट्रिय संगठन सचिव नारायण प्रसाद ढकाल, सेवा इन्टरनेशनलका संयाेजक खगेन्द्र बहादुर क्षेत्री र परिषद्का राष्ट्रिय व्यवस्था प्रमुख केशवराज पन्थीज्युहरूले कार्यक्रममा सहभागी छात्राहरूलाई प्रशिक्षण प्रदान गर्नु भएको  परिषद्ले जनाएको छ ।

दुई दिन सम्म संचालन गरिएको तालिमकाे समापन सत्रमा त्रिभुवन विश्वविद्यालय विद्यार्थी कल्याण तथा खेलकुद निर्देशनालयका निर्देशक प्राध्यापक पशुपति अधिकारीज्युकाे उपस्थितिमा छात्राहरूलाई तालिमकाे प्रमाण पत्र वितरण गरिएको थियोे ।
कार्यक्रममा विद्यार्थी परिषदका राष्ट्रीय संगठन सचिव नारायणप्रसाद ढकाल,राष्ट्रिय महासचिव छितराज न्यौपाने,परिषदका राष्ट्रिय व्यवस्था प्रमुख केशवराज पन्थी,राष्ट्रिय सचिव नारायणप्रसाद तिमिल्सिना लगायत त्रिभुवन विश्वविद्यालयका विभिन्न विभागमा अध्ययनरत प्रशिक्षार्थीहरूकाे उपस्थिति रहेकाे थियोे ।